മുംബൈ: തെറ്റിദ്ധരിപ്പിക്കുന്ന പരസ്യങ്ങള്‍, ബ്രോഷറുകള്‍, അവതരണങ്ങള്‍ എന്നിവ പിന്‍വലിക്കാനും ചിത്രീകരണം നിര്‍ത്താനും സെബി (സെക്യൂരിറ്റീസ് ആന്റ് എക്‌സ്‌ചേഞ്ച് ബോര്‍ഡ് ഓഫ് ഇന്ത്യ) മ്യൂച്വല്‍ ഫണ്ടുകളോടാവശ്യപ്പെട്ടു. പരസ്യ കോഡ് മാനിക്കാത്ത ,തെറ്റിദ്ധരിപ്പിക്കുന്ന പരസ്യ ചിത്രീകരണങ്ങള്‍ അസറ്റ് മാനേജ്‌മെന്റ് കമ്പനികള്‍ ഉപയോഗിക്കുന്നതായി മാര്‍ക്കറ്റ് റെഗുലേറ്റര്‍ കണ്ടെത്തി. ഇവ നിക്ഷേപങ്ങള്‍ക്ക് നിശ്ചിത വരുമാനം ഉറപ്പുനല്‍കുന്നവയാണ് .
അനുമാനങ്ങളുടേയും പ്രവചനങ്ങളുടേയും അടിസ്ഥാനത്തിലാണ് ആദായം കണക്കുകൂട്ടിയിരിക്കുന്നതെങ്കിലും ഇക്കാര്യം പരസ്യത്തില്‍ വ്യക്തമാക്കുന്നില്ല. പരസ്യങ്ങള്‍ അവ്യക്തവും നിക്ഷേപകരെ തെറ്റിദ്ധരിപ്പിക്കാന്‍ ഉദ്ദേശിച്ചുള്ളവയുമാണ്.
മാത്രമല്ല, 1996 ലെ സെബി (മ്യൂച്വല്‍ ഫണ്ട്) റെഗുലേഷനുകളുടെ ലംഘനവുമാണ്. പരസ്യങ്ങള്‍ ചിത്രീകരിക്കുന്നതില്‍ നിന്ന് വിട്ടുനില്‍ക്കാനും നിലവിലുള്ളവ പിന്‍വലിക്കാനും സെബി മ്യൂച്വല്‍ ഫണ്ടുകളോടാവശ്യപ്പെട്ടു.
