ന്യൂഡല്‍ഹി: ഓഹരി വിഭജനത്തിന്റെ റെക്കോര്‍ഡ് തീയതിയായി ഒക്ടോബര്‍ 31 നിശ്ചയിച്ചിരിക്കയാണ് മള്‍ട്ടിബാഗര്‍ കമ്പനിയായ സന്‍മിത് ഇന്‍ഫ്ര ലിമിറ്റഡ്. 10 രൂപ മുഖവിലയുള്ള ഓഹരി 1 രൂപ മുഖവിലയുള്ള 10 ഓഹരികളായാണ് വിഭജിക്കുക. നിലവില്‍ 523.60 രൂപ വിലയുള്ള സന്‍മിത് , അഞ്ച് വര്‍ഷത്തില്‍ 3,938.11 ശതമാനം അഥവാ 109.85 ശതമാനം സിഎജിആറില്‍ ഉയര്‍ന്ന ഓഹരിയാണ്.
ഒരു വര്‍ഷത്തില്‍ 171.69 ശതമാനവും 2022 ല്‍ 77.13 ശതമാനവും നേട്ടമുണ്ടാക്കി. 2022 ഒക്ടോബര്‍ 4 ലെ 529.80 രൂപയാണ് 52 ആഴ്ച ഉയരം. ഒക്ടോബര്‍ 13, 2021 ലെ 188.95 രൂപ, 52 ആഴ്ച താഴ്ചയുമാണ്.
834.12 കോടി രൂപ വിപണി മൂല്യമുള്ള സന്‍മിത് ഇന്‍ഫ്ര ഒരു സ്‌മോള്‍ ക്യാപ് കമ്പനിയാണ്. ജൈവ മാലിന്യ നിര്‍മാര്‍ജനം, പെട്രോളിയം ഉല്‍പ്പന്നങ്ങളുടെ വില്‍പ്പന, റിയല്‍ എസ്‌റ്റേറ്റ് പദ്ധതികള്‍ എന്നിവയില്‍ ഏര്‍പ്പെടുന്നു.
