രാജ്യത്തെ വിമാനത്താവളങ്ങള്‍ ഇരട്ടിയാക്കാന്‍ ഇന്ത്യ2023-24ല്‍ 2,20,000 ഫ്‌ളെക്‌സിബിള്‍ തൊഴിലവസരങ്ങള്‍ സൃഷ്ടിക്കപ്പെട്ടതായി ഐഎസ്എഫ്സ്വർണവില പവന് വീണ്ടും 54,000 രൂപ കടന്നുവിഴിഞ്ഞം തുറമുഖത്തിന്റെ ട്രയൽ റണ്ണിന് ഔദ്യോഗിക തുടക്കം; കേരള വികസന അധ്യായത്തില്‍ പുതിയ ഏടാണ് വിഴിഞ്ഞമെന്ന് മുഖ്യമന്ത്രി പിണറായി വിജയന്‍ഐ​ജി​എ​സ്ടി ഇ​​​ന​​​ത്തി​​​ൽ നാ​ലു വ​ർ​ഷ​ത്തിനിടെ കേ​ര​ള​ത്തി​ന് ന​ഷ്ടം 25,000 കോ​ടി

റിലയൻസ് ക്യാപിറ്റൽ- ഹിന്ദുജ ഡീൽ വീണ്ടും കോടതി കയറുന്നു; എൻസിഎൽടി വിധിക്കെതിരേ നിക്ഷേപകൻ കോടതിയിൽ

നിൽ അംബാനിയും, അദ്ദേഹത്തിന്റെ കമ്പനികളും കഴിഞ്ഞ കുറച്ചു നാളുകളായി ഓഹരി വിപണികളിലെ പ്രധാന ചർച്ചാ വിഷയമാണ്. ഇന്ത്യയിലെ ഏറ്റവും വലിയ ധനികനായ മുകേഷ് അംബാനിയുടെ ഇളയ സഹോദരൻ അനിൽ അംബാനി തിരിച്ചുവരവിനു ശ്രമിക്കുന്നുവെന്നാണ് റിപ്പോർട്ടുകൾ.

റിലയൻസ് പവറും, ഹിന്ദുജ ഗ്രൂപ്പിന്റെ ഏറ്റെടുപ്പ് ശ്രമങ്ങളുമാണ് നിലവിലെ പ്രധാന വിഷയങ്ങൾ. ഹിന്ദുജ ഗ്രൂപ്പിന്റെ ഇൻഡസ്ഇൻഡ് ഇന്റർനാഷണൽ ഹോൾഡിംഗ്സുമായി (IIHL) റിലയൻസ് ക്യാപ്പിറ്റലിന്റെ ഏറ്റെടുക്കൽ കരാറിലെ തടസങ്ങൾ വീണ്ടും അനിൽ അംബാനിയെ സമ്മർദത്തിലാക്കുന്നു.

കടക്കെണിയിൽപ്പെട്ട അനിൽ അംബാനിയുടെ റിലയൻസ് ക്യാപിറ്റലിന് കുറച്ച് മാസങ്ങൾക്ക് മുമ്പാണ് ഹിന്ദുജ ഗ്രൂപ്പ് 9,650 കോടി രൂപയുടെ വാങ്ങൽ ഓഫർ നൽകിയത്.

ഡീൽ അവസാനിപ്പിക്കുന്നതിനു ഹിന്ദുജ ഗ്രൂപ്പ് 8,000 കോടി രൂപയുടെ വിദേശ വായ്പയ്ക്കായുള്ള ശ്രമത്തിലാണ്. ഇതിനിടെ റിലയൻസ് ക്യാപിറ്റലിലെ ഒരു നിക്ഷേപകൻ എൻസിഎൽടി ഉത്തരവിനെതിരെ ബോംബെ ഹൈക്കോടതിയിൽ റിട്ട് ഹർജി നൽകിയിരിക്കുന്നു.

ഫിനാൻഷ്യൽ എക്സ്പ്രസ് റിപ്പോർട്ട് പ്രകാരം, റെസല്യൂഷൻ പ്രക്രിയ പൂർത്തിയാക്കിയ ശേഷം റിലയൻസ് ക്യാപിറ്റൽ ഓഹരികൾ ഡീലിസ്റ്റ് ചെയ്യുന്നത്, കമ്പനിയുടെ ഓഹരികളുടെ മൂല്യം പൂജ്യത്തിലെത്തിക്കുമെന്നു നിക്ഷേപകൻ വാദിക്കുന്നു.

ലിക്വിഡേഷൻ മൂല്യം ഇല്ല എന്നതിനാൽ, ഓഹരിയുടമകൾക്ക് പേയ്മെന്റൊന്നും ലഭിക്കില്ലെന്നും നിക്ഷേപകൻ വ്യക്തമാക്കുന്നു. റിലയൻസ് ക്യാപിറ്റൽ ഓഹരിയുടമകൾക്ക് നിലവിൽ ഒരു ഓഫറും ഡീൽ നൽകുന്നില്ലെന്നും അദ്ദേഹം പരാതിയിൽ കൂട്ടിച്ചേർത്തു.

ഡീലിസ്റ്റിംഗ് റെഗുലേഷൻസ് 3(2)(ബി) പ്രകാരം നൽകിയിട്ടുള്ള ഇളവ് മുൻകാല പ്രാക്ടീസിൽ നിന്നുള്ള വ്യതിചലനമാണ്. ഇത് പൊതു ഓഹരിയുടമകളെ തിരസ്‌കരിക്കുന്നുവെന്നും, റെസ്‌പോൻണ്ടന്റ് 1 (സെബി) മയക്കത്തിലാണെന്നും ഹർജിയിൽ പരാതിക്കാരൻ വ്യക്തമാക്കുന്നുണ്ട്.

ഈ ആഴ്ച ആദ്യം ഐഐഎച്ച്എൽ മുതിർന്ന ഉദ്യോഗസ്ഥരുമായി നടത്തിയ കൂടിക്കാഴ്ചയിൽ, ഇടപാട് സമയത്തു തന്നെ പൂർത്തീകരിക്കാൻ റിലയൻസ് ക്യാപിറ്റൽ ആവശ്യപ്പെട്ടുവെന്നാണ് റിപ്പോർട്ടുകൾ വ്യക്തമാക്കുന്നത്.

2024 ഫെബ്രുവരി 27-നാണ് മുംബൈ നാഷണൽ കമ്പനി ലോ ട്രിബ്യൂണൽ (NCLT) റെസല്യൂഷൻ പ്ലാന് അംഗീകരിച്ചത്. 90 ദിവസമാണ് ഇടപാട് പൂർത്തീകരിക്കാൻ ഹിന്ദുജ ഗ്രൂപ്പിന് അനുവദിച്ച സമയം. അത് ഈ മാസം 27 ന് അവസാനിക്കും.

റെസല്യൂഷൻ പ്ലാൻ പ്രകാരം, ഐഐഎച്ച്എൽ റിലയൻസ് ക്യാപിറ്റൽ വായ്പാക്കാർക്ക് ധാരണ പ്രകാരമുള്ള 9,650 കോടി രൂപ മുൻകൂറായി നൽകേണ്ടതുണ്ട്. ഹിന്ദുജ ഗ്രൂപ്പിന് വായ്പ തരപ്പെടുത്താൻ കഴിഞ്ഞോ എന്ന കാര്യം ഇപ്പോഴും വ്യക്തമല്ലെന്നതും ശ്രദ്ധേയമാണ്.

റെസല്യൂഷൻ പ്ലാനിലെ വ്യവസ്ഥകൾക്ക് ഇപ്പോഴും ഇൻഷുറൻസ് റെഗുലേറ്ററായ ഐആർഡിഎഐയുടെ അംഗീകാരം ലഭിച്ചിട്ടില്ല.

റിലയൻസ് ക്യാപിറ്റൽ റെസല്യൂഷൻ പ്ലാൻ നടപ്പിലാക്കുന്നതിലെ മന്ദഗതിയിലുള്ള പുരോഗതിയിൽ വായ്പ നൽകുന്നവർ ആശങ്ക പ്രകടിപ്പിച്ചതായി സ്രോതസുകൾ പറയുന്നു.

റിലയൻസ് ക്യാപിറ്റലിന്റെ ഇൻഷുറൻസ് ബിസിനസുകൾ ഐഐഎച്ച്എല്ലിലേയ്ക്ക് മാറ്റുന്നതിനുള്ള നിർദ്ദിഷ്ട കോർപ്പറേറ്റ് ഘടനയെക്കുറിച്ച് ഇൻഷുറൻസ് റെഗുലേറ്റർ നിരവധി ചോദ്യങ്ങളും, ആശങ്കകളും ഉന്നയിച്ചിട്ടുണ്ട്.

കമ്പനി ഇതുവരെ ഈ ആശങ്കകൾ പരിഹരിച്ചിട്ടില്ലെന്നാണു വിവരം.

X
Top