ഡിജിറ്റല്‍ രൂപ വിപ്ലവകരമെന്ന് എസ്ബിഐ ചെയര്‍മാന്‍അര്‍ബന്‍ കോ-ഓപ്പറേറ്റീവ് ബാങ്കുകള്‍ക്കായി നാല് തല നിയന്ത്രണ ചട്ടക്കൂട് പ്രഖ്യാപിച്ച് ആര്‍ബിഐനിരക്ക് വര്‍ധന: തോത് കുറയ്ക്കണമെന്ന ആവശ്യവുമായി അസോചംസംസ്ഥാനങ്ങളുടെ കടമെടുപ്പ് ശേഷി പരിമിതപ്പെടുത്താന്‍ കേന്ദ്രംജിഎസ്ടി വരുമാനം 1.45 ലക്ഷം കോടി രൂപ

14,434 കോടിയുടെ വായ്പാ കരാറിൽ ഒപ്പുവച്ച് ആർഇസി

മുംബൈ: മുംബൈ മെട്രോപൊളിറ്റൻ റീജിയനിൽ (എംഎംആർ) വികസിപ്പിച്ചുകൊണ്ടിരിക്കുന്ന ഒമ്പത് മെട്രോ പദ്ധതികൾക്കായി ധനസഹായം നൽകാൻ മുംബൈ മെട്രോപൊളിറ്റൻ റീജിയൻ ഡെവലപ്‌മെന്റ് അതോറിറ്റിയുമായി (എംഎംആർഡിഎ) വായ്പാ കരാറിൽ ഒപ്പുവച്ചതായി സർക്കാർ ഉടമസ്ഥതയിലുള്ള ആർഇസി അറിയിച്ചു.

മഹാരാഷ്ട്ര മുഖ്യമന്ത്രി ഏക്‌നാഥ് ഷിൻഡെയുടെയും ഉപമുഖ്യമന്ത്രി ദേവേന്ദ്ര ഫഡ്‌നാവിസിന്റെയും സാന്നിധ്യത്തിൽ മുംബൈയിൽ വച്ച് മഹാരത്‌ന സിപിഎസ്‌യുവും എംഎംആർഡിഎയും തമ്മിൽ കരാർ ഒപ്പുവച്ചു.

കരാർ പ്രകാരം പദ്ധതിയിലെ ഇലക്‌ട്രോ മെക്കാനിക്കൽ (ഇഎം) ജോലികൾക്കായി ആർഇസി 14,434 കോടി രൂപയുടെ വായ്പ വിതരണം ചെയ്യും. ഇതിനുപുറമെ, നോൺ-ഇഎം വർക്കുകൾക്കായി 16,049 കോടി രൂപയുടെ വായ്പ നൽകാൻ കമ്പനി തത്വത്തിൽ സമ്മതിച്ചിട്ടുണ്ടെന്ന് ആർഇസി പ്രസ്താവനയിൽ പറഞ്ഞു.

പവർ ഫിനാൻസ് കോർപ്പറേഷൻ ലിമിറ്റഡിന്റെ ഒരു അനുബന്ധ സ്ഥാപനമാണ് ആർഇസി ലിമിറ്റഡ്. ഇത് ഇന്ത്യയിലുടനീളമുള്ള പവർ പ്രോജക്ടുകൾക്ക് ധനസഹായം നൽകുന്നു. രാജ്യത്തെ കേന്ദ്ര/സംസ്ഥാന മേഖലയിലെ പവർ യൂട്ടിലിറ്റികൾ, സംസ്ഥാന ഇലക്‌ട്രിസിറ്റി ബോർഡുകൾ, റൂറൽ ഇലക്‌ട്രിക് കോഓപ്പറേറ്റീവുകൾ, എൻജിഒകൾ, സ്വകാര്യ പവർ ഡെവലപ്പർമാർ എന്നിവർക്കാണ് പിഎസ്യൂ വായ്പ നൽകുന്നത്.

X
Top