ഹൈദരാബാദ്: ഇന്ത്യയിലെ മുൻനിര റിയൽ എസ്റ്റേറ്റ് കമ്പനികൾ 92500 കോടി രൂപയുടെ പ്രോപ്പർട്ടികൾ വിറ്റഴിച്ചു. നടപ്പു സാമ്പത്തിക വർഷത്തെ ആദ്യ പകുതി കഴിഞ്ഞപ്പോഴേക്കുള്ള കണക്കാണിത്. പ്രസ്റ്റീജ് എസ്റ്റേറ്റ് ആണ് ഏറ്റവും കൂടുതൽ പ്രോജക്ടുകൾ വിറ്റത്.
28 റിയൽറ്റി കമ്പനികൾ ചേർന്ന് 92437 കോടി രൂപയുടെ വിൽപ്പനയാണ് നടത്തിയത്. ഇതിൽ പ്രസ്റ്റീജ് എസ്റ്റേറ്റ് മാത്രം 18143 കോടി രൂപയുടെ വില്പന നടത്തിയിട്ടുണ്ട്. 6 മാസ കാലയളവിലെ കണക്കുകളാണിത്.
വിപണി മൂലധനത്തിൽ രണ്ടാമത് നിൽക്കുന്ന ഡി എൽ എഫ് ലിസ്റ്റിൽ രണ്ടാം സ്ഥാനത്ത് എത്തി. കമ്പനിയുടെ 15757 കോടി രൂപയുടെ വിൽപ്പനയാണ് കമ്പനി റിപ്പോർട്ട് ചെയ്തത്. മുംബൈ ആസ്ഥാനമായി പ്രവർത്തിക്കുന്ന ഗോദ്റെജ് പ്രോപ്പർട്ടീസ് 15587 കോടി രൂപയുടെ വിൽപ്പനയാണ് റിപ്പോർട്ട് ചെയ്തത്.
ലോധ ഡെവലപ്പേഴ്സ് 9020 കോടി രൂപയുടെ പ്രൊജെക്ടുകളും വിറ്റഴിച്ചു. ഡൽഹി ആസ്തമനായി പ്രവർത്തിക്കുന്ന സിഗ്നേച്ചർ ഗ്ലോബൽ ആദ്യ 6 മാസം കൊണ്ട് 4650 കോടി രൂപയുടെ വിൽപ്പനയാണ് നടത്തിയത്. ഈ 5 കമ്പനികൾ ചേർന്ന് 63000 കോടി രൂപയുടെ വില്പന നടത്തിയിട്ടുണ്ട്.
കോവിഡിന് ശേഷം റിയൽ എസ്റ്റേറ്റ് കമ്പനികളുടെ വില്പനയിൽ ശക്തമായ ഡിമാൻഡ് ആണ് കണ്ടത്. ശോഭ, ബ്രിഗേയ്ഡ് എന്റർപ്രൈസ് കമ്പനികൾ യഥാക്രമം 3981 കോടി രൂപയുടെയും 3152 കോടി രൂപയുടെയും പ്രോപ്പർട്ടികൾ വിറ്റഴിച്ചു.
ഒബ്റോയ് റിയൽറ്റി, കല്പതാരു എന്നി കമ്പനികൾ യഥാക്രമം 2937 കോടി രൂപയുടെയും, 2577 കോടി രൂപയുടെയും വില്പന റിപ്പോർട്ട് ചെയ്തു. പുറവങ്കര 2455 കോടി രൂപയുടെ വിൽപ്പനയാണ് 6 മാസം കൊണ്ട് നടത്തിയത്. സൺടെക്ക് റിയൽറ്റി, ആദിത്യ ബിർള റിയൽ എസ്റ്റേറ്റ് എന്നിവർ യഥാക്രമം 1359 കോടി രൂപയുടെയും, 1312 കോടി രൂപയുടെയും വിൽപ്പനയാണ് നടത്തിയത്. കോൽത്തെ പട്ടിൽ ഡെവലപ്പേഴ്സ് 1286 കോടി രൂപയുടെ വിൽപ്പനയാണ് നടത്തിയത്.
മഹീന്ദ്ര ലൈഫ് സ്പെയ്സ് ഡെവലപ്പേഴ്സ് 1200 കോടി രൂപയുടെ വില്പനയും നടത്തി. ശ്രീറാം പ്രോപ്പർട്ടീസ് 1126 കോടി രൂപയുടെ പ്രീ സെയിൽസാണ് റിപ്പോർട്ട് ചെയ്തത്. അജ്മേറ റിയൽറ്റി, റെയ്മണ്ട് റിയൽറ്റി എന്നിവർ യഥാക്രമം 828 കോടി രൂപയുടെയും, 760 കോടി രൂപയുടെയും വിൽപ്പനയാണ് നടത്തി.കഴിഞ്ഞ സാമ്പത്തിക വർഷത്തിൽ മുൻ നിരയിൽ പ്രവർത്തിക്കുന്ന 26 റിയൽ എസ്റ്റേറ്റ് കമ്പനികൾ ചേർന്ന് 1.62 ലക്ഷം കോടി രൂപയുടെ വിൽപ്പനയാണ് നടത്തിയത്.
പോയ സാമ്പത്തിക വർഷത്തിൽ ഗോദ്റെജ് പ്രോപ്പർട്ടീസ് ആണ് ഏറ്റവും ഉയർന്ന വില്പന കണക്കുകൾ പുറത്തു വിട്ടത്. 30000 കോടി രൂപയുടെ വില്പന നടത്താൻ കമ്പനിക്ക് സാധിച്ചു. റിയൽ എസ്റ്റേറ്റ് മേഖലയിൽ ഉയർന്നു വരുന്ന ഡിമാന്റിനെയാണ് ഇത് സൂചിപ്പിക്കുന്നത്.
