Alt Image
1.11 ലക്ഷം കോടി ചെലവുള്ള ഇന്ത്യയുടെ രണ്ട് വൻ അന്തർവാഹിനി പദ്ധതികൾക്ക് അന്തിമാനുമതി ഉടൻ ◆ ആഗോള സ്വർണശക്തിയാകാൻ ഇന്ത്യ; പദ്ധതിയുടെ രൂപരേഖ നിതി ആയോഗ് വൈകാതെ അവതരിപ്പിച്ചേക്കും ◆ മൊത്തവില സൂചിക 12.29 ശതമാനമായി ഉയർന്നു ◆ ആഗോള ഡീസൽ ക്ഷാമം: ഇന്ത്യൻ എണ്ണശുദ്ധീകരണ കമ്പനികൾക്ക് നേട്ടമാകുമെന്ന് റിപ്പോർട്ട് ◆ ബിസിനസ് വളർച്ചയിൽ തിളങ്ങി കേരള ബാങ്കുകൾ ◆

പൊതുമേഖലാ ബാങ്ക്‌ ഓഹരികളില്‍ മുന്നേറ്റം

ഓഹരി വിപണി ചാഞ്ചാട്ടം നേരിട്ടപ്പോഴും പൊതുമേഖലാ ബാങ്ക്‌ ഓഹരികളില്‍ മുന്നേറ്റം ദൃശ്യമായി. നിഫ്‌റ്റി പി എസ്‌ യു ബാങ്ക്‌ സൂചിക ഇന്ന്‌ മൂന്നര ശതമാനം നേട്ടം രേഖപ്പെടുത്തി. ബാങ്ക്‌ ഓഫ്‌ ബറോഡ, ബാങ്ക്‌ ഓഫ്‌ ഇന്ത്യ, കാനറാ ബാങ്ക്‌, യൂകോ ബാങ്ക്‌, യൂണിയന്‍ ബാങ്ക്‌ ഓഫ്‌ ഇന്ത്യ, പഞ്ചാബ്‌ നാഷണല്‍ ബാങ്ക്‌, എസ്‌ബിഐ എന്നീ പൊതുമേഖലാ ബാങ്ക്‌ ഓഹരികള്‍ രണ്ട്‌ ശതമാനം മുതല്‍ ആറ്‌ ശതമാനം വരെ ഉയര്‍ന്നു.

ബാങ്ക്‌ ഓഫ്‌ ബറോഡ ഇന്ന്‌ 52 ആഴ്‌ചത്തെ ഉയര്‍ന്ന വില രേഖപ്പെടുത്തി. മികച്ച ഒന്നാം ത്രൈമാസ പ്രവര്‍ത്തന ഫലത്തെ തുടര്‍ന്നാണ്‌ ബാങ്ക്‌ ഓഫ്‌ ബറോഡ ആറ്‌ ശതമാനം മുന്നേറിയത്‌. ഏപ്രില്‍-ജൂണ്‍ ത്രൈമാസത്തിലെ ബാങ്ക്‌ ഓഫ്‌ ബറോഡയുടെ ലാഭവളര്‍ച്ച 79.3 ശതമാനമാണ്‌. 2168 കോടി രൂപയാണ്‌ ഇക്കാലയളവിലെ ലാഭം.

രണ്ട്‌ ശതമാനം നേട്ടം രേഖപ്പെടുത്തിയ എസ്‌ബിഐ 52 ആഴ്‌ചത്തെ ഉയര്‍ന്ന വിലയുടെ തൊട്ടടുത്തേക്ക്‌ ഉയര്‍ന്നു. 544.80 രൂപ വരെയാണ്‌ ഓഹരി മുന്നേറിയത്‌. 549 രൂപയാണ്‌ എസ്‌ബിഐയുടെ 52 ആഴ്‌ചത്തെ ഉയര്‍ന്ന വില. നിഫ്‌റ്റി ബാങ്ക്‌, നിഫ്‌റ്റി ഫിനാന്‍ഷ്യല്‍ സര്‍വീസസ്‌, നിഫ്‌റ്റി പ്രൈവറ്റ്‌ സെക്‌ടര്‍ ബാങ്ക്‌ തുടങ്ങിയ സൂചികകള്‍ നഷ്‌ടം നേരിട്ടപ്പോഴാണ്‌ നിഫ്‌റ്റി പി എസ്‌ യു ബാങ്ക്‌ സൂചിക വേറിട്ട പ്രകടനം കാഴ്‌ച വെച്ചത്‌.

X
Top