ജമ്മു & കശ്മീരിലെ ലിഥിയം ഖനനത്തിനുള്ള ലേലത്തിൽ ഒരു കമ്പനി പോലും പങ്കെടുത്തില്ലരാജ്യത്തെ 83 ശതമാനം യുവാക്കളും തൊഴില് രഹിതരെന്ന് റിപ്പോര്ട്ട്ഇന്ത്യയുടെ കറന്റ് അക്കൗണ്ട് കമ്മി കുറയുന്നുവെനസ്വേലയിൽ നിന്ന് ക്രൂഡ് ഓയിൽ വാങ്ങുന്നത് നിർത്തി ഇന്ത്യകിൻഫ്ര പെട്രോകെമിക്കൽ പാർക്കിൽ ഇതുവരെ 227.77 കോടിയുടെ നിക്ഷേപം

അന്തര്‍ദ്ദേശീയ വിപണിയില്‍ എണ്ണവില ഉയര്‍ന്നു

സിംഗപ്പൂര്‍: ആറ് മാസത്തെ താഴ്ന്ന നിരക്കില്‍ നിന്ന് വീണ്ടെടുപ്പ് നടത്തിയിരിക്കയാണ് എണ്ണവില. ബ്രെന്റ് അവധി വില 13 സെന്റ് അഥവാ 0.1 ശതമാനം ഉയര്‍ന്ന് 92.47 ഡോളറിലും വെസ്റ്റ് ടെക്‌സാസ് ഇന്റര്‍മീഡിയറ്റ് (ഡബ്ല്യുടിഐ) 27 സെന്റ് അഥവാ 0.3 ശതമാനം ഉയര്‍ന്ന് ബാരലിന് 86.80 ഡോളറിലുമെത്തി. മാന്ദ്യഭീതിയും തുടര്‍ന്നുള്ള ഡിമാന്റ് കുറവും കാരണം ഇരു സൂചികകളും ചൊവ്വാഴ്ച 3 ശതമാനത്തോളം തകര്‍ച്ച നേരിട്ടിരുന്നു.

യുഎസ് ഓയില്‍, ഗ്യാസോലിന്‍ ശേഖരത്തിലെ ഇടിവ് ഡിമാന്റ് വര്‍ധന ഉറപ്പാക്കിയതാണ് ബുധനാഴ്ച എണ്ണവില ഉയര്‍ത്തിയത്. ‘യു.എസ്. കരുതല്‍ ശേഖരം തുടര്‍ച്ചയായ രണ്ടാം ആഴ്ചയും കുറവ് രേഖപ്പെടുത്തി. ഇത് ഡിമാന്റ് ശക്തമാണെന്നതിന്റെ സൂചനയാണ്. ഇതോടെ വാങ്ങല്‍ പുന:സ്ഥാപിക്കപ്പെട്ടു’ ഫുജിറ്റോമി സെക്യൂരിറ്റീസ് കോ ലിമിറ്റഡിന്റെ ചീഫ് അനലിസ്റ്റ് കസുഹിക്കോ സൈറ്റോ നിരീക്ഷിക്കുന്നു.

ഓഗസ്റ്റ് 12 ന് അവസാനിച്ച ആഴ്ചയില്‍ യു.എസ് ക്രൂഡ് സ്‌റ്റോക്കുകളില്‍ ഏകദേശം 448,000 ബാരലിന്റെ കുറവാണുണ്ടായിരിക്കുന്നത്. ഗ്യാസോലിന്‍ കരുതല്‍ ശേഖരം ഏകദേശം 4.5 ദശലക്ഷം ബാരലും ഡിസ്റ്റിലേറ്റ് സ്‌റ്റോക്കുകള്‍ ഏതാണ്ട് 759,000 ബാരലും ഇടിവ്‌ രേഖപ്പെടുത്തി. അമേരിക്കന്‍ പെട്രോളിയം ഇന്‍സ്റ്റിറ്റിയൂട്ട് പുറത്തുവിട്ട റിപ്പോര്‍ട്ടിലാണ് ഈ കണക്കുകളുള്ളത്.

റോയിട്ടേഴ്‌സ് പോള്‍ പ്രകാരം ക്രൂഡ് ഇന്‍വെന്ററികള്‍ കഴിഞ്ഞയാഴ്ച ഏകദേശം 300,000 ബാരലും പെട്രോള്‍ സ്‌റ്റോക്കുകള്‍ 1.1 ദശലക്ഷം ബാരലും കുറവ് നേരിട്ടു.

X
Top