ബെംഗളൂരു: ഇൻഫോസിസ് സഹസ്ഥാപകൻ എൻആർ നാരായണ മൂർത്തിയുടെ നേതൃത്വത്തിലുള്ള വെഞ്ച്വർ ക്യാപിറ്റൽ സ്ഥാപനമായ കാറ്റമരൻ വെഞ്ച്വേഴ്സ് എൽഎൽപി, വസ്ത്രനിർമ്മാതാക്കളായ ഗോകൽദാസ് എക്സ്പോർട്ട്സിൽ നിന്നും 1.12 ശതമാനം ഓഹരികൾ സ്വന്തമാക്കി.
സെപ്റ്റംബർ അവസാനത്തോടെയാണ് കമ്പനിയുടെ ഷെയർഹോൾഡിംഗ് ഡാറ്റ പ്രകാരം ഗോകൽദാസ് എക്സ്പോർട്ട്സിൽ നിന്നും 57 കോടി രൂപയിലധികം വിലമതിക്കുന്ന 6.7 ലക്ഷം ഇക്വിറ്റി ഷെയറുകൾ കാറ്റമരൻ വെഞ്ചേഴ്സ് സ്വന്തമാക്കിയത്.
ഒക്ടോബർ 12-ന്, രണ്ട് എക്സ്ചേഞ്ചുകളിലുമായി ഏകദേശം 5 ലക്ഷം ഓഹരികൾ കൈമാറ്റം ചെയ്യപ്പെട്ടു, ഒരു മാസത്തെ ശരാശരി അടിസ്ഥാനത്തിൽ 4 ലക്ഷം ഓഹരികൾ.
200 മില്യൺ ഡോളർ വാർഷിക വിറ്റുവരവുള്ള ഇന്ത്യയിലെ ഏറ്റവും വലിയ വസ്ത്ര നിർമ്മാതാക്കളും കയറ്റുമതിക്കാരുമാണ് ഗോകൽദാസ് എക്സ്പോർട്ട്സ്. അതിന്റെ റീട്ടെയിൽ ഉപസ്ഥാപനമായ ‘ദ വെയർഹൗസ്’ വഴി – കമ്പനി ഓഫ്ലൈൻ ചാനലുകളിലൂടെ ഇന്ത്യൻ റീട്ടെയിൽ വിപണിയിലേക്ക് വസ്ത്രങ്ങൾ വിൽക്കുന്നു. 22-ലധികം നിർമ്മാണ സൗകര്യങ്ങളുള്ള കമ്പനി കൂടുതൽ വിപുലീകരണത്തിന് ഒരുങ്ങുകയാണ്.
ഗ്യാപ്, എച് ആൻഡ് എം, അഡിഡാസ്, പ്യൂമ, സാറാ തുടങ്ങിയ അന്താരാഷ്ട്ര ബ്രാൻഡുകൾ കമ്പനിയുടെ പ്രധാന ഇടപാടുകാരിൽ ഉൾപ്പെടുന്നു.
ഇ-കൊമേഴ്സ്, ടെക്നോളജി, ഫിനാൻഷ്യൽ സർവീസ്, ഹെൽത്ത്കെയർ, വിദ്യാഭ്യാസം തുടങ്ങിയ ഉയർന്ന വളർച്ചാ മേഖലകളിലുടനീളം കാറ്റമരൻ വെഞ്ചേഴ്സ് നിക്ഷേപം നടത്തിയിട്ടുണ്ട്.
കമ്പനിയുടെ വെബ്സൈറ്റ് അനുസരിച്ച് അവരുടെ ഏറ്റവും പുതിയ ചില നിക്ഷേപങ്ങളിൽ സ്പേസ് എക്സ്, റെഡ്ഡിറ്റ്, ലോക്കോ, ഉഡാൻ, പേപ്പർ ബോട്ട് എന്നിവ ഉൾപ്പെട്ടിട്ടുണ്ട്.
