Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

മഹീന്ദ്രയുടെ മൊത്തവില്‍പ്പനയില്‍ 14 ശതമാനം വര്‍ധന

മുംബൈ: മഹീന്ദ്ര ആന്‍ഡ് മഹീന്ദ്രയുടെ മൊത്തം വാഹന വില്‍പ്പന ജൂണില്‍ 14 ശതമാനം വര്‍ധിച്ച് 78,969 യൂണിറ്റായി. പാസഞ്ചര്‍ വാഹന വിഭാഗത്തില്‍, കഴിഞ്ഞ മാസം ആഭ്യന്തര വിപണിയില്‍ യൂട്ടിലിറ്റി വാഹന വില്‍പ്പന 18 ശതമാനം ഉയര്‍ന്ന് 47,306 യൂണിറ്റായി. കഴിഞ്ഞ വര്‍ഷം ഇതേ കാലയളവില്‍ ഇത് 40,022 യൂണിറ്റായിരുന്നു.

18 ശതമാനം വര്‍ധനവാണ് ഈ വിഭാഗത്തില്‍ കമ്പനി രേഖപ്പെടുത്തിയത്. ആഭ്യന്തര മുച്ചക്ര വാഹന വില്‍പ്പന 8,454 യൂണിറ്റായി, കഴിഞ്ഞ വര്‍ഷം ജൂണില്‍ ഇത് 6,180 യൂണിറ്റായിരുന്നുവെന്ന് എം ആന്‍ഡ് എം പ്രസ്താവനയില്‍ പറഞ്ഞു. കഴിഞ്ഞ മാസം മൊത്തം കയറ്റുമതി ഒരു ശതമാനം വര്‍ധിച്ച് 2,634 യൂണിറ്റായി.

‘ഈ പാദം ഞങ്ങള്‍ക്ക് വളരെ പോസിറ്റീവ് ആയിരുന്നു.എസ്യുവികള്‍ക്ക് ഇതുവരെ ലഭിച്ചിട്ടുള്ളതില്‍ വച്ച് ഏറ്റവും ഉയര്‍ന്ന പാദമാണിത്,’ മഹീന്ദ്ര & മഹീന്ദ്ര (എം & എം) ഓട്ടോമോട്ടീവ് ഡിവിഷന്‍ സിഇഒ നളിനികാന്ത് ഗൊല്ലഗുണ്ട പറഞ്ഞു.

കമ്പനിയുടെ മൊത്തം ട്രാക്ടര്‍ വില്‍പ്പന ജൂണില്‍ 13 ശതമാനം ഉയര്‍ന്ന് 53,392 യൂണിറ്റായി. കഴിഞ്ഞ വര്‍ഷം ഇത് 47,319 യൂണിറ്റായിരുന്നു. ആഭ്യന്തര വിപണിയില്‍ ട്രാക്ടര്‍ വില്‍പ്പന കഴിഞ്ഞ മാസം 13 ശതമാനം വര്‍ധിച്ച് 51,769 യൂണിറ്റായി.

X
Top