തൃശൂർ: സുസ്ഥിര വനിതാ ശാക്തീകരണത്തിനായി ധനലക്ഷ്മി ബാങ്കും സംസ്ഥാന കുടുംബശ്രീ മിഷനും ധാരണയിലെത്തി. തിരുവനന്തപുരത്തെ കുടുംബശ്രീ സംസ്ഥാന മിഷൻ ഓഫീസിൽ നടന്ന ചടങ്ങിൽ കുടുംബശ്രീ എക്സിക്യുട്ടീവ് ഡയറക്ടർ എച്ച് ദിനേശനും ധനലക്ഷ്മി ഡെപ്യൂട്ടി ബിസിനസ് ഡെവലപ്മെന്റ് ആൻഡ് പ്ലാനിംഗ് ജനറൽ മാനേജർ പിഎച്ച് ബിജുകുമാറും ധാരണാ പത്രം കൈമാറി. ധാരണാ പ്രകാരം കുടുംബശ്രീ അംഗങ്ങൾക്ക് ധനലക്ഷ്മിയുടെ ബാങ്കിംഗ് സേവനങ്ങൾ ലഭ്യമാകും.
