തിരുവനന്തപുരം: സംസ്ഥാനത്ത് 5 സ്വകാര്യ വ്യവസായ പാർക്കുകൾക്കു തത്വത്തിൽ അനുമതി. ആദ്യമായാണു കേരളം സ്വകാര്യ വ്യവസായ പാർക്ക് തുടങ്ങുന്നത്. വ്യവസായ ഡയറക്ടറേറ്റ് ശുപാർശ ചെയ്ത 11 അപേക്ഷകൾ പരിശോധിച്ച ശേഷമാണ് അഞ്ചെണ്ണം സെക്രട്ടറിതല സമിതി അംഗീകരിച്ചത്.
15 ഏക്കറിലധികം സ്ഥലത്ത് പാർക്ക് തുടങ്ങാനുള്ള ഒരപേക്ഷ കൂടി സമിതിക്കു മുൻപിലുണ്ട്. ഭൂപരിഷ്കരണ നിയമത്തിലെ ഇളവ് ബാധകമാക്കി ഇതിനു കൂടി വൈകാതെ അനുമതി നൽകും. ആകെ 24 അപേക്ഷകളാണു ലഭിച്ചത്.
