മുംബൈ: ഐടിസി ലിമിറ്റഡ് തങ്ങളുടെ ഹോട്ടൽ ബിസിനസ്സിനായി “അസറ്റ്-റൈറ്റ്” തന്ത്രം പിന്തുടരുമെന്ന് ഐടിസി ചെയർമാൻ സഞ്ജീവ് പുരി പറഞ്ഞു. കൂടാതെ കമ്പനി മത്സരാധിഷ്ഠിതവും സമകാലികവുമായി തുടരുകയും മികച്ച പ്രകടനം തുടർന്നും നൽകുകയും ചെയ്യുമെന്നും സഞ്ജീവ് പുരി പറഞ്ഞു.
ഐടിസി, വെൽക്കം തുടങ്ങിയ ബ്രാൻഡ് പേരുകളിൽ ഹോട്ടലുകൾ നടത്തുന്ന കൊൽക്കത്ത ആസ്ഥാനമായുള്ള മൾട്ടി-കോൺലോമറേറ്റ് തങ്ങളുടെ ഹോസ്പിറ്റാലിറ്റി ബിസിനസിനായി വിദേശ വിപണികളിലെ സാധ്യതകൾ പരിശോധിക്കുന്നതായി അദ്ദേഹം പറഞ്ഞു. പാൻഡെമിക്കിന് ശേഷം ടൂറിസം, ഹോട്ടൽ ബിസിനസുകൾ തിരിച്ച് വരവ് നടത്തിയതായും അതിനാൽ കമ്പനി വിഭജന പ്രക്രിയയെ കുറിച്ച് ആലോചിക്കുന്നതായും പുരി പറഞ്ഞു.
ഇപ്പോൾ അസറ്റ് റൈറ്റ് സ്ട്രാറ്റജി പിന്തുടരുകയാണെന്നും, വെൽക്കം ഹോട്ടലുകൾക്ക് കീഴിൽ ധാരാളം ഹോട്ടലുകൾ വന്നിട്ടുണ്ടെന്നും. പുതിയ ബ്രാൻഡായ ‘സ്റ്റോറി’, ‘മൊമെന്റസ്’ എന്നിവ ഉടൻ പ്രവർത്തനം ആരംഭിക്കുമെന്നും ഹോട്ടൽ പ്രവർത്തനങ്ങൾ വിപുലീകരിക്കാനുള്ള കമ്പനിയുടെ പദ്ധതികളെക്കുറിച്ച് അദ്ദേഹം പറഞ്ഞു. അസറ്റ്-റൈറ്റ് മോഡൽ എന്നത് സ്വത്തുക്കൾ സ്വന്തമാക്കുന്നതിനെയും മറ്റുള്ളവർക്കായി കൈകാര്യം ചെയ്യുന്നതിനെയും സൂചിപ്പിക്കുന്നു.
ആറ് വ്യത്യസ്ത ബ്രാൻഡുകളിൽ 70 ഡെസ്റ്റിനേഷനുകളിലായി 100-ലധികം ഹോട്ടലുകളുള്ള ഐടിസിയുടെ ഹോട്ടൽ ഗ്രൂപ്പ് ഇന്ത്യയിലെ പ്രമുഖ ഹോസ്പിറ്റാലിറ്റി കമ്പനികളിൽ ഒന്നാണ്.
