വാഷിങ്ടൻ: യുഎസ് ഫെഡറല് റിസര്വ്(US Federal Reserve) ബാങ്ക് പലിശ നിരക്ക് അര ശതമാനം കുറച്ചു. 4 വര്ഷത്തിനു ശേഷമാണ് ഫെഡ് കേന്ദ്ര പലിശ നിരക്ക് കുറയ്ക്കുന്നത്. ജോ ബൈഡൻ(Joe Biden) ഭരണകൂടത്തിന്റെ കീഴിൽ പലിശനിരക്ക് കുറയ്ക്കുന്നത് ആദ്യമാണ്.
4.75 – 5 ശതമാനത്തിലേക്ക് പലിശ നിരക്കുകള് താഴ്ന്നു. ഇതോടെ കുറഞ്ഞ പലിശയ്ക്ക് ബാങ്കുകളില്നിന്ന് വായ്പ ലഭിക്കും. സാമ്പത്തിക മേഖലയെ ഉത്തേജിപ്പിക്കാനുള്ള തീരുമാനമെന്ന് വിശേഷിപ്പിച്ചാണു നടപടി.
പണപ്പെരുപ്പം നിയന്ത്രണപരിധിയായ രണ്ട് ശതമാനത്തിലേക്ക് കുറയുന്നതു പരിഗണിച്ചാണു തീരുമാനമെന്നു ഫെഡ് ചെയർമാൻ ജെറോം പവൽ അറിയിച്ചു. എന്നാൽ ഗവര്ണര് മിഷേല് ബോമാന് തീരുമാനത്തില് വിയോജിപ്പ് രേഖപ്പെടുത്തി.
കാല് ശതമാനം നിരക്ക് മാത്രം വെട്ടിക്കുറച്ചാല് മതിയെന്നാണ് അദ്ദേഹം അഭിപ്രായപ്പെട്ടത്. 11-1 എന്ന നിലയിലാണ് ഫെഡ് തീരുമാനം പാസായത്.
വര്ഷാവസാനത്തോടെ ഫെഡ് പലിശ നിരക്കില് അര ശതമാനം കുറവ് കൂടി വരുത്തുമെന്ന് സാമ്പത്തിക വിദഗ്ധര് വിലയിരുത്തുന്നു. 2025 ല് ഒരു ശതമാനം കുറവ് കൂടി പലിശ നിരക്കില് വരുത്തിയേക്കും.
2026 ല് അര ശതമാനത്തിന്റെ കുറവ് കൂടി വരുത്തുന്നതോടെ പലിശ നിരക്കുകള് 2.75-3 ശതമാനത്തില് തിരികെ എത്തുമെന്നാണു വിലയിരുത്തൽ.
