ന്യൂഡൽഹി: സെപ്റ്റംബറിൽ ഇന്ത്യയുടെ റഷ്യൻ ക്രൂഡ് ഓയിൽ ഇറക്കുമതി പ്രതിദിനം ഏകദേശം 1.75 ദശലക്ഷം ബാരലായി കുറഞ്ഞു. ഏപ്രിലിന് ശേഷമുള്ള ഏറ്റവും കുറഞ്ഞ നിരക്കാണിത്.
ഭൗമരാഷ്ട്രീയ സാഹചര്യങ്ങളിലെ ആശങ്കകൾക്കിടയിൽ എണ്ണ ശുദ്ധീകരണശാലകൾ (റിഫൈനറി)എണ്ണ വാങ്ങുന്നതിൽ വൈവിധ്യവൽക്കരണം വരുത്തിയതാണ് ഇതിന് കാരണം. അതേസമയം, ശുദ്ധീകരണശാലകളുടെ പ്രവർത്തനം ശക്തമായതോടെ രാജ്യത്തിൻ്റെ മൊത്തത്തിലുള്ള ക്രൂഡ് ഓയിൽ സംഭരണം ഗണ്യമായി വർധിക്കുകയും ചെയ്തു.
ആഗോള ചരക്ക് വിവര-വിശകലന സ്ഥാപനമായ ‘കെപ്ലർ’ (Kpler) പുറത്തുവിട്ട കണക്കുകൾ പ്രകാരം, സെപ്റ്റംബറിൽ ഇന്ത്യയുടെ പ്രതിദിന ക്രൂഡ് ഓയിൽ ഇറക്കുമതി ശരാശരി 5.3 ദശലക്ഷം ബാരലായിരുന്നു. ഓഗസ്റ്റിനെ അപേക്ഷിച്ച് ഏകദേശം 600,000 ബാരലും, മുൻവർഷത്തെ അപേക്ഷിച്ച് 700,000 ബാരലും അധികമാണിത്.
സെപ്റ്റംബറിൽ ഇന്ത്യ ശരാശരി 1.74 ദശലക്ഷം ബാരൽ പ്രതിദിന (bpd) റഷ്യൻ ക്രൂഡ് ഓയിൽ ഇറക്കുമതി ചെയ്തു. ഏപ്രിലിലെ 1.58 ദശലക്ഷം bpd എന്ന അളവിന് ശേഷമുള്ള ഏറ്റവും കുറഞ്ഞ നിരക്കാണിത്. ഓഗസ്റ്റിലെ 2.02 ദശലക്ഷം bpd, ജൂലൈയിലെ 2.65 ദശലക്ഷം bpd എന്നിവയുമായി താരതമ്യം ചെയ്യുമ്പോഴാണ് ഈ കുറവ് കാണാനാകുന്നത്.
റഷ്യൻ ഇറക്കുമതിയിലുണ്ടായ കുറവ് ഇറാഖും സൗദി അറേബ്യയും നികത്തി. ഓഗസ്റ്റിലെ 163,000 bpd-ൽ നിന്ന് വർധിച്ച്, ഈ മാസം ഇറാഖ് ഏകദേശം 575,000 bpd ക്രൂഡ് ഓയിൽ വിതരണം ചെയ്തു. സൗദിയിൽ നിന്നുള്ള വിതരണവും സെപ്റ്റംബറിൽ വർധിച്ചു; മുൻ മാസത്തെ 347,000 bpd-ൽ നിന്ന് 566,000 bpd-ലേക്കാണ് ഇത് ഉയർന്നത്. അതേസമയം, യുഎഇയിൽ നിന്നുള്ള വിതരണം ഓഗസ്റ്റിലെ 546,000 bpd-ൽ നിന്ന് 480,000 bpd-ആയി കുറഞ്ഞു.
ആഭ്യന്തര മോട്ടോർ ഇന്ധന ഗുണനിലവാര മാനദണ്ഡങ്ങളിൽ ഇളവ് വരുത്തിയും അയൽരാജ്യങ്ങളിൽ നിന്നുള്ള റെയിൽ വഴിയുള്ള ഇറക്കുമതി വർധിപ്പിച്ചും നഷ്ടപ്പെട്ട ഉൽപാദനത്തിൻ്റെ ഒരു ഭാഗം നികത്താൻ റഷ്യ ശ്രമിക്കുന്നുണ്ട്. കെപ്ലറുടെ (Kpler) കണക്കുകൾ പ്രകാരം, ജൂലൈയിൽ ആരംഭിച്ച ഇന്ത്യയിൽ നിന്നുള്ള കടൽമാർഗ്ഗമുള്ള ഇറക്കുമതിയുടെ അളവ് താരതമ്യേന കുറവാണ്.
2026-ലെ മൂന്നാം പാദത്തിൽ ബാധിക്കപ്പെട്ട ഉൽപ്പന്നങ്ങൾക്കുള്ള റഷ്യയുടെ ആഭ്യന്തര ആവശ്യകതയുടെ ഏകദേശം 4 ശതമാനം മാത്രമാണ് ഇതിലൂടെ നിറവേറ്റപ്പെടുന്നത്.
