ഡിസംബര്‍ വരെ 21,253 കോടി കടമെടുക്കാൻ കേരളത്തിന് കേന്ദ്രാനുമതിതൊഴിലില്ലായ്മ നിരക്കിൽ കേരളം ഒന്നാമതെന്ന് കേന്ദ്ര റിപ്പോർട്ട്ഇന്ത്യ ഏറ്റവുമധികം കയറ്റുമതി ചെയ്യുന്ന നാലാമത്തെ ഉത്പന്നമായി സ്മാർട്ട് ഫോൺകേന്ദ്ര സര്‍ക്കാരിന് ആര്‍ബിഐയുടെ ലാഭവീതം 2.11 ലക്ഷം കോടിഎണ്ണവിലയിൽ ഇന്ത്യക്കുള്ള ഡിസ്‌കൗണ്ട് പാതിയാക്കി കുറച്ച് റഷ്യ

ക്രിപ്റ്റോ നിയന്ത്രണം: ഇന്ത്യയും യുകെയും ചർച്ച നടത്തി

മുംബൈ: ക്രിപ്റ്റോ ആസ്തികളുടെ നിയന്ത്രണവുമായി ബന്ധപ്പെട്ട് ഇന്ത്യയും, യുകെയും ചർച്ച നടത്തി. ഈ വിഷയത്തിൽ, ആഗോളതലത്തിലുള്ള സഹകരണത്തിന്റെ പ്രാധാന്യവുമായി ബന്ധപ്പെട്ടാണ് ചർച്ച നടന്നത്.

ക്രിപ്റ്റോ ആസ്തികൾ, സഹകരണ സാധ്യതയുള്ള പുതിയ മേഖലകൾ, പെൻഷൻ ഫണ്ടുകളുടെ അടക്കം നിയന്ത്രണവുമായി ബന്ധപ്പെട്ട ചട്ടക്കൂടുകൾ തുടങ്ങിയവയാണ് ചർച്ചാ വിഷയങ്ങളായത്.

‘ഇന്ത്യ-യുകെ ഫിനാൻഷ്യൽ മാർക്കറ്റ്സ് ഡയലോഗി’ന്റെ രണ്ടാം യോഗത്തിലാണ് ഈ വിഷയങ്ങൾ ചർച്ച ചെയ്തത്. സാമ്പത്തിക മേഖലയിൽ സഹകരണം വർധിപ്പിക്കുക എന്ന ലക്ഷ്യത്തോടെ, ലണ്ടനിലാണ് യോഗം നടക്കുന്നത്. പെൻഷനുമായി ബന്ധപ്പെട്ട സാമ്പത്തിക വശങ്ങൾ ഇരു രാജ്യങ്ങളും 2017ന് ശേഷം ഇതാദ്യമായാണ് ചർച്ച ചെയ്യുന്നത്.

ആറ് മേഖലകളിലാണ് ചർച്ചകൾ പ്രധാനമായും ശ്രദ്ധ കേന്ദ്രീകരിക്കുന്നത്. ബാങ്കിങ്, പേയ്മെന്റ്സും ക്രിപ്റ്റോ ആസ്തികളും, ഇൻഷുറൻസ് & റീ ഇൻഷുറൻസ്, ക്യാപിറ്റൽ മാർക്കറ്റ്സ്, അസറ്റ് മാനേജ്മെന്റ്, സുസ്ഥിരമായ സാമ്പത്തിക സ്ഥിതി എന്നിവയാണ് മേഖലകൾ.

ക്രിപ്റ്റോ ആസ്തികളുമായി ബന്ധപ്പെട്ട്, ആഗോള തലത്തിലുള്ള പുരോഗതി യോഗം വിലയിരുത്തി. ക്രിപ്റ്റോ ആസ്തികളിൽ ആഗോള തലത്തിലുള്ള സഹകരണത്തിന്റെ പ്രാധാന്യം, ക്രോസ് ബോർഡർ പേയ്മെന്റ് സാധ്യമാക്കുന്നതിൽ ജി20 റോഡ്മാപ്പിന്റെ പങ്ക് തുടങ്ങിയവയിലും ചർച്ചകൾ നടന്നു.

ഇന്ത്യയും, യുകെയും സഹകരണത്തിന് സാധ്യതയുള്ള മേഖലകളെ സംബന്ധിച്ചും ആലോചനകൾ നടന്നു. പെൻഷൻ ഫണ്ടുകളടക്കം (PFs) നിയന്ത്രണ ചട്ടക്കൂടുകളുള്ള വിഷയങ്ങളിൽ അറിവിന്റെ പങ്കുവെക്കൽ, പെൻഷൻ ഫണ്ടുകളിലുള്ള നിക്ഷേപ അവസരങ്ങൾ, സോഷ്യൽ സ്റ്റോക്ക് എക്സ്ചേഞ്ചുകളിലടക്കം ഇക്കോ സിസ്റ്റത്തിന്റെ വികസനം, മൂലധന വിപണി, ഇൻഷുറൻസ് സെക്ടർ, സോവറിൻ ഗ്രീൻ ബോണ്ടുകൾ, സുസ്ഥിരമായ സാമ്പത്തികം തുടങ്ങിയ കാര്യങ്ങളിലെല്ലാം സഹകരണണ സാധ്യതകൾ ചർച്ചയിൽ ഉൾപ്പെട്ടതായി ഇരു രാജ്യങ്ങളും സംയുക്ത പ്രസ്താവനയിൽ അറിയിച്ചു.

ജി 20 യോഗത്തിനു മുമ്പ് തന്നെ ക്രിപ്റ്റോ ആസ്തികളെ നിയന്ത്രിക്കുന്നതിന് ആഗോള തലത്തിലുള്ള സഹകരണം ആവശ്യമാണെന്ന് ഇന്ത്യ ആവശ്യപ്പെട്ടിരുന്നു. ഇത്തവണ ഇന്ത്യയിൽ നടക്കുന്ന ജി20 യോഗത്തിന് അദ്ധ്യക്ഷത വഹിക്കുന്നത് ഇന്ത്യയാണ്.

ആഗോള തലത്തിൽ ഈ വിഷയത്തിൽ ക്രിപ്റ്റോ നിയന്ത്രണത്തിനായി ഒരു ചട്ടക്കൂട് വികസിപ്പിക്കാനാണ് ഇന്ത്യയുടെ ശ്രമം. രാജ്യം ഇതിന് മുൻകയ്യെടുക്കുമെന്ന് കേന്ദ്ര ധനമന്ത്രി നിർമല സീതാരാമനും അറിയിച്ചിരുന്നു.

ഈ ശ്രമത്തിന്റെ തുടർച്ചയായിട്ടാണ് ഇപ്പോഴത്തെ ചർച്ചകളെന്നാണ് വിലയിരുത്തപ്പെടുന്നത്.

X
Top