Alt Image
6.8 ശതമാനം കൈവരിക്കാന്‍ ഇന്ത്യയ്ക്ക് നിർദേശങ്ങളുമായി ഐഎംഎഫ്; ഉല്‍പ്പാദനക്ഷമതാ വളര്‍ച്ച വര്‍ധിപ്പിക്കുകയും സ്വകാര്യ നിക്ഷേപം ശക്തിപ്പെടുത്തുകയും വേണം ◆ റഷ്യയിൽ നിന്നുള്ള ഇന്ത്യയുടെ എണ്ണ ഇറക്കുമതി റെക്കോഡ് നിരക്കിൽ ◆ ചില്ലറ പണപ്പെരുപ്പം രണ്ടു വർഷത്തെ ഉയർന്ന നിരക്കിൽ ◆ ഖത്തറില്‍ നിന്നുള്ള എല്‍എന്‍ജി വിതരണം തടസ്സപ്പെട്ടു; പ്രതിസന്ധി മറികടക്കാൻ പുതു വഴികള്‍ തേടി ഇന്ത്യ ◆ രാജ്യത്തെ നഗരങ്ങളിൽ തൊഴിലില്ലായ്മ കൂടുന്നുവെന്ന് റിപ്പോർട്ട് ◆

ഫാക്ടിന് 447.39 കോടി ലാഭം

ഏലൂർ: കേന്ദ്ര പൊതുമേഖലാ സ്ഥാപനമായ ഫാക്ടിന് 2022- 23 സാമ്പത്തിക വർഷത്തിലെ ഡിസംബറിൽ അവസാനിച്ച ഒന്പതു മാസ കാലയളവിൽ ലാഭത്തിലും വിറ്റുവരവിലും ഗണ്യമായ വർധന.

447. 39 കോടി രൂപയുടെ ലാഭവും 4949.31 കോടി രൂപയുടെ വിറ്റുവരവുമാണ് ഫാക്ട് നേടിയത്. മുൻ വർഷം ഇതേ കാലയളവിൽ ലാഭം 119.84 കോടി രൂപയും വിറ്റുവരവ് 2732.25 കോടി രൂപയുമായിരുന്നു.

2022 -23 സാമ്പത്തിക വർഷത്തിലെ മൂന്നാം പാദത്തിൽ എക്കാലത്തെയും ഉയർന്ന ലാഭമായ 165.79 കോടി രൂപയും, വിറ്റുവരവ് 1722 കോടി രൂപയുമാണ്. മുൻ വർഷത്തിൽ ഇതേ കാലയളവിൽ 43.59 കോടി രൂപ ലാഭവും 1208 കോടി രൂപ വിറ്റുവരവുമായിരുന്നു.

വളം വില്പനയിൽ മുൻവർഷത്തെ ഇതേ കാലയളവിലെ 2.66 ലക്ഷം ടണ്ണിൽ നിന്നും ഈ വർഷം 2.82 ലക്ഷം ടണ്ണായി ഉയർന്നു. ഫാക്ടിന്‍റെ വികസന പ്രവർത്തനങ്ങളെല്ലാം അതിന്‍റെ ഷെഡ്യൂൾ അനുസരിച്ച് പുരോഗമിച്ചു കൊണ്ടിരിക്കുന്നു.

ഈ മാസം മൂന്നിനു കൂടിയ ഡയറക്ടർ ബോർഡ് യോഗത്തിൽ കമ്പനിയുടെ ത്രൈമാസ ഫലങ്ങൾ അംഗീകരിച്ചതായും ഫാക്ട് വക്താവ് അറിയിച്ചു.

X
Top