ന്യൂഡൽഹി∙ ഇലക്ട്രിക് വാഹനങ്ങളുടെ ചാർജ് തീർന്ന ബാറ്ററി അതിവേഗം മാറ്റി ഘടിപ്പിക്കുന്ന ബാറ്ററി സ്വാപ്പിങ് രീതി അടിച്ചേൽപ്പിക്കില്ലെന്ന് പീയൂഷ് ഗോയൽ. നിലവിൽ മിക്ക ഇലക്ട്രിക് വാഹനങ്ങളുടെയും ബാറ്ററി ഇത്തരത്തിൽ മാറ്റിവയ്ക്കാൻ കഴിയുന്നവയല്ല. ബാറ്ററി സ്വാപ്പിങ് വേണോ എന്ന കാര്യത്തിൽ കമ്പനികൾക്കും ഉപഭോക്താക്കൾക്കും തീരുമാനം വിട്ടുകൊടുക്കുകയാണ്. ഇക്കാര്യത്തിൽ സർക്കാർ ഇടപെടാൻ ഉദ്ദേശിക്കുന്നില്ലെന്നും ഗോയൽ പറഞ്ഞു.
നിലവിൽ ഫിക്സ്ഡ് ബാറ്ററി ഉൾപ്പെടെയാണ് വാഹനം വാങ്ങുന്നത്. പകരം ബാറ്ററി ഒഴിവാക്കി ബാറ്ററി സ്വാപ്പിങ് നടത്തുന്ന സേവനദാതാവിന് പ്രതിമാസ/വാർഷിക വരിസംഖ്യ നൽകിയാൽ വാഹനത്തിന്റെ ആയുസ്സ് മുഴുവൻ ചാർജ് ചെയ്ത ബാറ്ററികൾ ലഭിക്കുന്നതാണ് ബാറ്ററി സ്വാപ്പിങ് രീതി.
