Alt Image
6.8 ശതമാനം കൈവരിക്കാന്‍ ഇന്ത്യയ്ക്ക് നിർദേശങ്ങളുമായി ഐഎംഎഫ്; ഉല്‍പ്പാദനക്ഷമതാ വളര്‍ച്ച വര്‍ധിപ്പിക്കുകയും സ്വകാര്യ നിക്ഷേപം ശക്തിപ്പെടുത്തുകയും വേണം ◆ റഷ്യയിൽ നിന്നുള്ള ഇന്ത്യയുടെ എണ്ണ ഇറക്കുമതി റെക്കോഡ് നിരക്കിൽ ◆ ചില്ലറ പണപ്പെരുപ്പം രണ്ടു വർഷത്തെ ഉയർന്ന നിരക്കിൽ ◆ ഖത്തറില്‍ നിന്നുള്ള എല്‍എന്‍ജി വിതരണം തടസ്സപ്പെട്ടു; പ്രതിസന്ധി മറികടക്കാൻ പുതു വഴികള്‍ തേടി ഇന്ത്യ ◆ രാജ്യത്തെ നഗരങ്ങളിൽ തൊഴിലില്ലായ്മ കൂടുന്നുവെന്ന് റിപ്പോർട്ട് ◆

2×660 മെഗാവാട്ട് താപവൈദ്യുത പദ്ധതി സ്ഥാപിക്കാൻ ഭാരത് ഹെവി ഇലക്ട്രിക്കൽസ്

മുംബൈ: 2×660 മെഗാവാട്ട് തെർമൽ പവർ പ്രോജക്ട് സ്ഥാപിക്കാൻ ഒരുങ്ങി സർക്കാർ ഉടമസ്ഥതയിലുള്ള ഭാരത് ഹെവി ഇലക്ട്രിക്കൽസ് ലിമിറ്റഡ് (ബിഎച്ച്ഇഎൽ). താപവൈദ്യുത പദ്ധതി സ്ഥാപിക്കാൻ എൻടിപിസിയിൽ നിന്ന് ഓർഡർ ലഭിച്ചതായി കമ്പനി അറിയിച്ചു.

എഞ്ചിനീയറിംഗ്, പ്രൊക്യുർമെന്റ്, കൺസ്ട്രക്ഷൻ (ഇപിസി) അടിസ്ഥാനത്തിലാണ് പദ്ധതി നിർമ്മിക്കുന്നതെന്ന് കമ്പനി റെഗുലേറ്ററി ഫയലിംഗിൽ പറഞ്ഞു. ഒഡീഷയിലെ താൽച്ചറിലാണ് ഈ തെർമൽ പവർ പ്രോജക്ട് സ്ഥാപിക്കുന്നത്. അതേസമയം പദ്ധതിയുമായി ബന്ധപ്പെട്ട കൂടുതൽ വിവരങ്ങളൊന്നും കമ്പനി വെളിപ്പെടുത്തിയിട്ടില്ല.

സമ്പദ്‌വ്യവസ്ഥയുടെ പ്രധാന മേഖലകളിലേക്കുള്ള വിപുലമായ ശ്രേണിയിലുള്ള ഉൽപ്പന്നങ്ങളുടെയും സേവനങ്ങളുടെയും രൂപകൽപ്പന, എഞ്ചിനീയറിംഗ്, നിർമ്മാണം, ടെസ്റ്റിംഗ്, കമ്മീഷൻ ചെയ്യൽ എന്നിവയിൽ പ്രവർത്തിക്കുന്ന കമ്പനിയാണ് ബിഎച്ച്ഇഎൽ. കമ്പനിയിൽ ഇന്ത്യാ ഗവൺമെന്റിന് 63.17 ശതമാനം ഓഹരി ഉണ്ട്. നിലവിൽ ബിഎസ്ഇയിൽ കമ്പനിയുടെ ഓഹരി 0.71 ശതമാനം ഇടിഞ്ഞ് 55.55 രൂപയിലാണ് വ്യാപാരം നടക്കുന്നത്.

X
Top