Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

എംഎസ്എംഇ പുനര്‍വര്‍ഗ്ഗീകരണത്തിന് ശേഷവും ആനുകൂല്യങ്ങള്‍ തുടരും

ഡെല്‍ഹി: സൂക്ഷ്മ, ചെറുകിട, ഇടത്തരം സംരംഭങ്ങള്‍ക്ക് (എംഎസ്എംഇ) മൂന്ന് വര്‍ഷത്തേക്ക് പുനര്‍വര്‍ഗ്ഗീകരണത്തിന് ശേഷം അതത് വിഭാഗങ്ങളിലെ എല്ലാ നികുതി ഇതര ആനുകൂല്യങ്ങളും തുടര്‍ന്നും ലഭിക്കുമെന്ന് സര്‍ക്കാര്‍ അറിയിച്ചു.

പ്ലാന്റ്, മെഷിനറി അല്ലെങ്കില്‍ ഉപകരണങ്ങള്‍, വിറ്റുവരവ് അല്ലെങ്കില്‍ ഇവ രണ്ടും എന്നിവയിലെ നിക്ഷേപത്തിന്റെ അടിസ്ഥാനത്തില്‍ പുനര്‍വര്‍ഗ്ഗീകരണം നടത്താറുണ്ട്. ഇവിടെ എംഎസ്എംഇകള്‍ക്ക് ലഭിക്കേണ്ട എല്ലാ നികുതി ഇതര ആനുകൂല്യങ്ങളും തുടര്‍ന്നും പ്രയോജനപ്പെടുത്താന്‍ കഴിയുമെന്നാണ് എംഎസ്എംഇ മന്ത്രാലയം അറിയിച്ചിരിക്കുന്നത്.

സൂക്ഷ്മ, ചെറുകിട, ഇടത്തരം സംരംഭങ്ങളുടെ പങ്കാളികളുമായുള്ള കൃത്യമായ ചര്‍ച്ചകള്‍ക്ക് ശേഷമാണ് ഈ തീരുമാനമെടുത്തതെന്നും ഇത് ആത്മ നിര്‍ഭര്‍ ഭാരത് അഭിയാന് അനുസൃതമാണെന്നും എംഎസ്എംഇ മന്ത്രാലയം ഔദ്യോഗിക പ്രസ്താവനയില്‍ പറയുന്നു.

പബ്ലിക് പ്രൊക്യുര്‍മെന്റ് പോളിസി, കാലതാമസം വരുത്തിയ ഇടപാടുകള്‍ മുതലായവ ഉള്‍പ്പെടെ വിവിധ സര്‍ക്കാര്‍ പദ്ധതികളുടെ ആനുകൂല്യങ്ങള്‍ നികുതിയേതര ആനുകൂല്യങ്ങളില്‍ ഉള്‍പ്പെടുന്നു.

X
Top