ബെഗളൂരു: ഇന്ത്യയിലെ ഏറ്റവും വലിയ ടെലികമ്മ്യൂണിക്കേഷന് കമ്പനികളിലൊന്നായ ഭാരതി എയര്ടെല് ബെംഗളൂരു സ്റ്റാര്ട്ടപ്പായ ലെംനിസ്കില് (ഇമ്മന്സിറ്റാസ് പ്രൈവറ്റ് ലിമിറ്റഡ്) തന്ത്രപ്രധാനമായ പങ്കാളിത്തം നേടി. കമ്പനിയുടെ സ്റ്റാര്ട്ടപ്പ് ആക്സിലറേറ്റര് പ്രോഗ്രാമിന് കീഴിലാണ് ഏറ്റെടുക്കല്. ഏറ്റെടുക്കല് നിയമപരമായ അംഗീകാരങ്ങള്ക്ക് വിധേയമാണ്.
തത്സമയ മാര്ക്കറ്റിംഗ് ഓട്ടോമേഷനും സുരക്ഷിത ഉപഭോക്തൃ ഡാറ്റ പ്ലാറ്റ്ഫോമും (CDP) സ്റ്റാര്ട്ട്-അപ്പ് വാഗ്ദാനം ചെയ്യുന്നു. ലോകത്തിലെ ഏറ്റവും വലിയ സിഡിപി പ്ലാറ്റ്ഫോം നിര്മ്മിക്കാന് ഇരു കമ്പനികളും ഒരുമിച്ച് പ്രവര്ത്തിക്കും.
എയര്ടെല് അതിന്റെ എന്റര്പ്രൈസ് ഉപഭോക്താക്കള്ക്ക് നെറ്റ്വര്ക്ക് ഇന്റഗ്രേറ്റഡ് ക്ലൗഡ് പ്ലാറ്റ്ഫോം വഴി ഈ സേവനം നല്കാനും പദ്ധതിയിടുന്നു.
ഉപഭോക്താക്കള്ക്കായി വേഗതയേറിയതും അളക്കാവുന്നതുമായ ഓമ്നിചാനല് ഇടപഴകല് ഇത് പ്രാപ്തമാക്കും. സ്റ്റാര്ട്ടപ്പ് ആക്സിലറേറ്റര് പ്രോഗ്രാമിലേക്ക് ലെംനിസ്കിനെ സ്വാഗതം ചെയ്യുന്നുവെന്ന് എയര്ടെല് ഡിജിറ്റലിന്റെ സിഇഒ ആദര്ശ് നായര് പറഞ്ഞു.
ഡിജിറ്റല് ഇന്നൊവേഷന് എഞ്ചിന്റെ ഭാഗമാകുന്നതിലും ഞങ്ങള് സന്തുഷ്ടരാണ്. ഈ സഖ്യത്തില് വലിയ സാധ്യതകള് കാണുന്നു,
ലെംനിസ്കുമായി ചേര്ന്ന് ലോകത്തിലെ ഏറ്റവും വലിയ സിഡിപി പ്ലാറ്റ്ഫോം സൃഷ്ടിക്കാന് ലക്ഷ്യമിടുന്നു. അവരുടെ തത്സമയ മാര്ക്കറ്റിംഗ് ഓട്ടോമേഷന് എഞ്ചിന് സ്വാഭാവികമായും ഞങ്ങള്ക്ക് അനുയോജ്യമാണ്, ആദര്ശ് നായര് അറിച്ചു.
