ഓരോ ദിവസവും 1,612 കോടി രൂപ സണ് ലോക കോടീശ്വര പട്ടികയില് ആമസോണിന്റെ ജെഫ് ബെസോസിനെ പിന്നിലാക്കി അദാനി രണ്ടാമനായത്.
ഒരുവര്ഷം കൊണ്ട് സമ്പത്തില് ഇരട്ടിയിലേറെയാണ് വര്ധനവുണ്ടായത്. ബുധനാഴ്ച പുറത്തുവിട്ട 2022ലെ ഹൂറൂണ് ഇന്ത്യ റിച്ച് ലിസ്റ്റിലാണ് ഇക്കാര്യം വ്യക്തമാക്കിയിട്ടുള്ളത്.
അദാനി ഗ്രൂപ്പ് ഓഹരികളുടെ കുതിപ്പില് ഈ ഗുജറാത്ത് വ്യവസായിയുടെ സമ്പത്തില് ഒരുവര്ഷത്തിനിടെയുണ്ടായ വര്ധന 116ശതമാനമാണ്. 60കാരനായ അദാനിയുടെ സമ്പത്ത് 10,94,400 കോടി രൂപയാണെന്നാണ് കണക്കാക്കിയിട്ടുള്ളത്.
ഇന്ത്യയിലെ രണ്ടാമത്തെ ധനികനായ മുകേഷ് അംബാനിയേക്കാള് മൂന്നുലക്ഷം കോടി രൂപയുടെ സമ്പത്ത് അദാനിക്കുണ്ട്. 2012ല് അദാനിയുടെ സമ്പത്ത് അംബാനിയുടേതിനേക്കാള് ആറിലൊന്ന് മാത്രമായിരുന്നു. വാക്സിന് നിര്മാതാവ് സൈറസ് പൂനവാലയും കുടുംബവുമാണ് രാജ്യത്തെ സമ്പന്നരില് മൂന്നാം സ്ഥാനത്തുള്ളത്.
