Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

സംയുക്ത സംരംഭത്തിലെ ഓഹരികള്‍ വിറ്റൊഴിവാക്കാന്‍ അദാനി ഗ്രൂപ്പ്

മുംബൈ: വില്‍മര്‍ ഇന്റര്‍നാഷണലുമായി ചേര്‍ന്ന് ആരംഭിച്ച എ.ഡബ്ല്യു.എല്‍ ബിസിനസ് ലിമിറ്റഡിലെ 20 ശതമാനം കൂടി ഓഹരികള്‍ വിറ്റൊഴിയാന്‍ ഗൗതം അദാനിയുടെ ഉടമസ്ഥതയിലുള്ള അദാനി എന്റര്‍പ്രൈസസ് ലിമിറ്റഡ്.

വില്‍മര്‍ ഇന്റര്‍നാഷണലിന്റെ സബ്‌സിഡിയറി കമ്പനിയായ ലെന്‍സ് പിടിഇ ലിമിറ്റഡ് ഓഹരിയൊന്നിന് 275 രൂപയ്ക്ക് വാങ്ങുന്നത്. ഇടപാടിന്റെ മൂല്യം 7,150 കോടി രൂപയ്ക്കടുത്ത് വരും.

ഇടപാട് പൂര്‍ത്തിയാകുന്നതോടെ എഡബ്ല്യുഎല്ലില്‍ ഏറ്റവും വലിയ ഓഹരിയുടമയായി വില്‍മര്‍ മാറും. നിലവില്‍ അദാനി എന്റര്‍പ്രൈസസിന്റെ സബ്‌സിഡിയറി കമ്പനിയായ അദാനി കമ്മോഡിറ്റീസിനാണ് എ.ഡബ്ല്യു.എല്ലിലെ 30.42 ശതമാനം ഓഹരി പങ്കാളിത്തം. എഫ്.എം.സി.ജി മേഖലയിലെ സംയുക്ത സംരംഭത്തില്‍ നിന്ന് പൂര്‍ണമായും പിന്‍മാറുന്നതിന്റെ ഭാഗമായിട്ടാണ് അദാനി ഗ്രൂപ്പിന്റെ ഓഹരി വിറ്റഴിക്കല്‍.

സംയുക്ത സംരംഭത്തില്‍ അദാനി ഗ്രൂപ്പിനും വില്‍മറിനും 44 ശതമാനം വീതമായിരുന്നു ഓഹരി പങ്കാളിത്തം. ജനുവരിയില്‍ കമ്പനിയിലെ 13.5 ശതമാനം ഓഹരികള്‍ 4,855 കോടി രൂപയ്ക്ക് അദാനി ഗ്രൂപ്പ് വില്‍മറിന് കൈമാറിയിരുന്നു.

ഇപ്പോഴത്തെ വില്പനയ്ക്കുശേഷം വരുന്ന ഓഹരികള്‍ യോഗ്യതയുള്ള നിക്ഷേപകര്‍ക്കും വില്‍മര്‍ കൊണ്ടുവരുന്ന നിക്ഷേപകര്‍ക്കും വില്ക്കാനാണ് അദാനിയുടെ പദ്ധതി.

X
Top