Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

ഇൻഡമെർ ടെക്നിക്സിനെ ഏറ്റെടുക്കാൻ അദാനി ഗ്രൂപ്പ്

എയർക്രാഫ്റ്റ് പരിപാലന സ്ഥാപനമായ ഇൻഡമെർ ടെക്നിക്സ് പ്രൈവറ്റ് ലിമിറ്റഡിനെ ഏറ്റെടുക്കാൻ അദാനി ഗ്രൂപ്പിന് കീഴിലെ അദാനി ഡിഫൻസ് ആൻഡ് എയ്റോസ്പേസ് ഒരുങ്ങുന്നു.

പ്രൈം എയ്റോയുമായി കൈകോർത്താണ് ഇൻഡാമെറിനെ പൂർണമായും ഏറ്റെടുക്കുക. അതിവേഗം വളരുന്ന ആഭ്യന്തര വ്യോമയാന സേവന മേഖലയിൽ സാന്നിധ്യം ശക്തമാക്കുകയാണ് ഇതുവഴി അദാനി ഉന്നമിടുന്നത്.

അദാനി ഡിഫൻസും പ്രൈം എയ്റോയും ചേർന്ന് രൂപീകരിച്ച സംയുക്ത കമ്പനിയായ ഹൊറൈസൺ എയ്റോ സൊല്യൂഷൻസ് വഴിയാണ് ഏറ്റെടുക്കൽ. അദാനി ഗ്രൂപ്പിന്റെ വ്യോമയാന എംആർഒ (പരിപാലനം, അറ്റകുറ്റപ്പണി, മേൽനോട്ടം) ശൃംഖല വിപുലീകരിക്കുകയാണ് ലക്ഷ്യം. എത്ര തുകയ്ക്കാണ് ഏറ്റെടുക്കൽ എന്നതുൾപ്പെടെ വിശദാംശങ്ങൾ പുറത്തുവിട്ടിട്ടില്ല.

കഴിഞ്ഞ വർഷം എയർ വർക്ക്സ് പ്രൈവറ്റ് ലിമിറ്റഡിനെ ഏറ്റെടുത്തതിലൂടെ അദാനി ഡിഫൻസ് രാജ്യത്തെ ഏറ്റവും വലിയ സ്വകാര്യ എംആർഒ ഓപ്പറേറ്ററായിരുന്നു. ഇന്ത്യൻ കമ്പനികൾ ഏതാനും വർഷങ്ങൾക്കുള്ളിൽ 1,500 വിമാനങ്ങൾ കൂടി രംഗത്തിറക്കുമെന്ന റിപ്പോർട്ടുകൾക്കിടെയാണിത്.

ആഗോളതലത്തിൽ തന്നെ പ്രീമിയം എംആർഒ ലക്ഷ്യസ്ഥാനമാക്കി ഇന്ത്യയെ മാറ്റുന്നതിനുള്ള നീക്കത്തിന്റെ ഭാഗവുമാണ് അദാനിയുടെ പുതിയ നീക്കം.

X
Top