മുംബൈ: യുഎസ് കൈക്കൂലി വിവാദത്തിലാണ് ഏറ്റവും അവസാനമായി ഇന്ത്യന്‍ ബിസിനസ് മാഗ്നറ്റായ ഗൗതം അദാനി ഉള്‍പ്പെട്ടിരിക്കുന്നത്. യുഎസിലെ സോളാര്‍ എനര്‍ജി കോണ്‍ട്രാക്ടുകള്‍ നേടാനായി കമ്പനി മള്‍ട്ടി ബില്യണ്‍ ഡോളറുഷ കൈക്കൂലി നല്‍കിയെന്നാണ് ആരോപണം.
ഇതേ തുടര്‍ന്ന് അദാനി ഗ്രൂപ്പ് ഓഹരികള്‍ വന്‍ ഇടിവ് നേരിട്ടിരുന്നു. മിക്ക് നിക്ഷേപകര്‍ അദാനി കമ്പനികളിലെ നിക്ഷേപങ്ങളും അടിയന്തരമായി മരവിപ്പിച്ചിരുന്നു.
അതേസമയം ആരോപണങ്ങള്‍ അദാനി ഗ്രൂപ്പ് പൂര്‍ണമായും നിഷേധിക്കുകയാണുണ്ടായത്. തുടര്‍ന്ന ഓഹരികള്‍ വീണ്ടെടുക്കലുകള്‍ കാണിച്ചു. എന്നിരുന്നാലും വിവാദങ്ങള്‍ ഇപ്പോഴും നിലനില്‍ക്കുന്നു.
ഏറ്റവും പുതിയ റിപ്പോര്‍ട്ടുകള്‍ പ്രകാവം യുഎസ് നിയുക്ത പ്രസിഡന്റ് ഡൊണള്‍ഡ് ട്രംപ് അധികാരം ഏല്‍ക്കുന്നതോടെ അദാനിക്ക് എതിരായ ചാര്‍ജുകള്‍ പിന്‍വലിച്ചേക്കുമെന്നാണു സൂചന. ഈ വാര്‍ത്ത അദാനിക്കും, നിക്ഷേപകര്‍ക്ക് ആശ്വാസം പകരുന്നതാണ്.
എന്നാല്‍ തുടരെത്തുടരെ അദാനിക്കെതിരേ വാര്‍ത്തകള്‍ വരുന്നതില്‍ നിക്ഷേപകര്‍ ആശയക്കുഴപ്പത്തിലാണ്. അദാനിക്കെതിരായ ആരോപണങ്ങള്‍ പലപ്പോഴും ഇന്ത്യയില്‍ രാഷ്ട്രീയമായും മാറുന്നു. യുഎസ് ഷോര്‍ട്ട്‌സെല്ലര്‍ ഹിന്‍ഡന്‍ബര്‍ഗ് റിസര്‍ച്ച് സൃഷ്ടിച്ച പുകില്‍ നിങ്ങള്‍ മറന്നിരിക്കില്ലല്ലോ?
്പക്ഷെ ഇവരുടെ ആരോപണങ്ങള്‍ യുഎസ് തന്നെ തള്ളിയിരുന്നു. അതേസമയം വിവാദങ്ങും, ഓഹരി ഇടിവുകളും അദാനിയുമായി ബന്ധപ്പെട്ടിരിക്കുന്നവരെ ആശയക്കുഴപ്പത്തിലാക്കുന്നുണ്ട്.
അദാനിയുടെ തകര്‍ച്ച രാജ്യത്തെ ബാങ്കിംഗ് മേഖലയെ സാരമായി ബാധിച്ചേക്കുമെന്നാണു റിപ്പോര്‍ട്ടുകള്‍ വ്യക്തമാക്കുന്നത്. കാരണം ഇന്ത്യന്‍ ബാങ്കുകളില്‍ നിന്നു അദാനി സംരംഭങ്ങള്‍ വലിയ വായപകളാണ് എടുത്തിട്ടുള്ളത്. കൂടാതെ പലരും അദാനിയില്‍ വന്‍ നിക്ഷേപം നടത്തിയിട്ടുണ്ട്.
ഐഐഎഫ്എല്‍ സെക്യൂരിറ്റീസിന്റെ റിപ്പോര്‍ട്ട് പ്രകാരം രാജ്യത്തെ ഏറ്റവും വലിയ പൊതുമേഖല ബാങ്കായ എസ്ബിഐക്ക് ആണ് അദാനിയില്‍ ഏറ്റവും കൂടുതല്‍ എക്‌സ്‌പോഷര്‍ ഉള്ളത്. ഏകദേശം 33,800 കോടി രൂപയുടെ നിക്ഷേപമാണ് എസ്ബിഐ അദാനി കമ്പനികളില്‍ നടത്തിയിട്ടുള്ളത്.
എസ്ബിഐക്ക് പിന്നാലെ, പവര്‍ ഫിനാന്‍സ് കോര്‍പ്പറേഷന്‍, റൂറല്‍ ഇലക്ട്രിഫിക്കേഷന്‍ കോര്‍പ്പറേഷന്‍ തുടങ്ങിയ സര്‍ക്കാര്‍ ഉടമസ്ഥതയിലുള്ള ധനകാര്യ സ്ഥാപനങ്ങള്‍ക്കും ഗ്രൂപ്പുമായി കാര്യമായ എക്‌സ്‌പോഷര്‍ ഉണ്ട്.
അദാനി ഗ്രൂപ്പിന്റെ മൊത്തം മൊത്ത കടം 2.4 ട്രില്യണ്‍ രൂപയാണ്. അതേസമയം ക്രമീകരണങ്ങള്‍ക്ക് ശേഷം 2024 സാമ്പത്തിക വര്‍ഷം (FY24) കമ്പനിയുടെ അറ്റ കടം 1.8 ട്രില്യണ്‍ രൂപയാണ്.
ഗ്രൂപ്പിന്റെ മൊത്തത്തിലുള്ള കടത്തിന്റെ 4 ശതമാനം സ്വകാര്യമേഖലാ ബാങ്കുകളില്‍ ആണ്. യെസ് ബാങ്ക്, ഐസിഐസിഐ ബാങ്ക്, ഐഡിബിഐ ബാങ്ക്, ഇന്‍ഡസ്ഇന്‍ഡ് ബാങ്ക് എന്നിവരാണ് പ്രധാനമായും ഈ ലിസ്റ്റിലുള്ളത്.
ഇതില്‍ ഐസിഐസിഐ ബാങ്കും, എസ്ബിഐയും രാജ്യത്തെ ഏറ്റവും സുരക്ഷിത ബാങ്കുകളായി ആര്‍ബിഐ കണ്ടെത്തിയിട്ടുള്ളവയാണ്.
ഇന്ത്യന്‍ റിന്യൂവബിള്‍ എനര്‍ജി ഡെവലപ്മെന്റ് ഏജന്‍സി, നാബിഎഫ്‌ഐഡി (നാഷണല്‍ ബാങ്ക് ഫോര്‍ ഫിനാന്‍സിംഗ് ഇന്‍ഫ്രാസ്ട്രക്ചര്‍ ആന്‍ഡ് ഡെവലപ്മെന്റ്), ഐഐഎഫ്സിഎല്‍ (ഇന്ത്യ ഇന്‍ഫ്രാസ്ട്രക്ചര്‍ ഫിനാന്‍സ് കമ്പനി ലിമിറ്റഡ്), ഇന്ത്യ ഇന്‍ഫ്രാഡെബ്റ്റ് തുടങ്ങിയ സ്ഥാപനങ്ങളും ഗ്രൂപ്പിന് സാരമായി പണം അനുവദിച്ചിട്ടുണ്ട്.
