Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

മഹീന്ദ്ര ആന്‍ഡ് മഹീന്ദ്രയുടെ അറ്റാദായത്തില്‍ 44% വര്‍ധന

ഡെല്‍ഹി: സെപ്റ്റംബര്‍ പാദത്തില്‍ മഹീന്ദ്ര ആന്‍ഡ് മഹീന്ദ്രയുടെ കണ്‍സോളിഡേറ്റഡ് അറ്റാദായം 44 ശതമാനം വര്‍ധിച്ച് 2,773 കോടി രൂപയായി. വില്പനയിലുണ്ടായ മുന്നേറ്റമാണ് നേട്ടത്തിന് കാരണം.

കഴിഞ്ഞ വര്‍ഷം ഇതേ കാലയളവില്‍ 1,929 കോടി രൂപയുടെ അറ്റാദായമാണ് കമ്പനി നേടിയത്. പ്രവര്‍ത്തനങ്ങളില്‍ നിന്നുള്ള വരുമാനം 21,470 കോടി രൂപയില്‍ നിന്നും 29,870 കോടി രൂപയായി ഉയര്‍ന്നു.

സ്റ്റാന്‍ഡ്-എലോണ്‍ അടിസ്ഥാനത്തിലുള്ള എം ആന്‍ഡ് എമ്മിന്റെ വരുമാനം കഴിഞ്ഞ വര്‍ഷം ഇതേ കാലയളവിലുണ്ടായിരുന്ന 13,314 കോടി രൂപയില്‍ നിന്നും 57 ശതമാനം ഉയര്‍ന്ന് 20,839 കോടി രൂപയായി.

നികുതി കിഴിച്ചുള്ള ലാഭം 46 ശതമാനം ഉയര്‍ന്ന് 2,090 കോടി രൂപയായി. ഈ പാദത്തില്‍ കമ്പനിയുടെ ഓട്ടോ മൊബൈല്‍ വിഭാഗം 1,74,098 വാഹനങ്ങള്‍ വിറ്റഴിച്ചു. കഴിഞ്ഞ വര്‍ഷം 99,334 വാഹനങ്ങളാണ് വിറ്റഴിച്ചത്.

ട്രാക്ടര്‍ വിഭാഗത്തില്‍ കഴിഞ്ഞ വര്‍ഷം സെപ്റ്റംബര്‍ പാദത്തില്‍ വിറ്റഴിച്ച 88,027 യൂണിറ്റുകളില്‍ നിന്ന് അഞ്ച് ശതമാനത്തിന്റെ വര്‍ധന ഉണ്ടായിട്ടുണ്ട്. ഇത്തവണ 92,950 യൂണിറ്റുകളാണ് വിറ്റഴിച്ചത്.

X
Top