മുംബൈ : സീ എന്റർടൈൻമെന്റ് എന്റർപ്രൈസസ് ലിമിറ്റഡ്, 2023 സെപ്റ്റംബർ 30 ന് അവസാനിച്ച പാദത്തിൽ ഏകീകൃത അറ്റാദായം 9% വർധിച്ച് 123 കോടി രൂപയായി രേഖപ്പെടുത്തി. കഴിഞ്ഞ വർഷം ഇതേ കാലയളവിൽ 113 കോടി രൂപയായിരുന്നു ഏകീകൃത അറ്റാദായം.
മീഡിയ സ്ഥാപനത്തിന്റെ മൊത്തവരുമാനം രണ്ടാം പാദത്തിലെ 2,040 കോടി രൂപയിൽ നിന്ന് 2024 സാമ്പത്തിക വർഷത്തിൽ 23% ഉയർന്ന് 2,510 കോടി രൂപയായി.
സീ ടി വി ,സീ സിനിമ എന്നിവയുൾപ്പെടെയുള്ള ടിവി ചാനലുകളുടെ ഉടമസ്ഥതയിലുള്ള കമ്പനി, വാർഷികാടിസ്ഥാനത്തിൽ സബ്സ്ക്രിപ്ഷൻ വരുമാനത്തിൽ 8% വർദ്ധനവ് രേഖപ്പെടുത്തി.
മറ്റ് വിൽപ്പന, സേവന വരുമാനം 201% ഉയർന്നു. ആഭ്യന്തര പരസ്യ വരുമാനം 2.1% കുറഞ്ഞു. സിനിമകളിലെ ഉയർന്ന ഉള്ളടക്കച്ചെലവും അതിന്റെ സ്ട്രീമിംഗ് പ്ലാറ്റ്ഫോമായ സീ 5 -ലെ നിക്ഷേപവും കാരണം സീ -യുടെ മൊത്തം ചെലവുകൾ 23% ഉയർന്നു.
“നിരവധി പ്രധാന വിപണികളിൽ സീ നെറ്റ്വർക്ക് വിപണി വിഹിതം നേടിയതിനാൽ ടിവി ലാൻഡ്സ്കേപ്പ് ആരോഗ്യകരമായി തുടരുന്നു. പ്രവർത്തന ലിവറേജും ചിലവ് നിയന്ത്രണവും ഇബിഐടിഡിഎ നഷ്ടങ്ങൾ കുറയ്ക്കുന്നു. സീ മ്യൂസിക് കമ്പനി വീഡിയോ കാഴ്ചകളിൽ 7% വളർച്ചയ്ക്കും 4.8 ദശലക്ഷം സബ്സ്ക്രൈബർമാരുടെ വർദ്ധനയ്ക്കും സാക്ഷ്യം വഹിച്ചു.
