സംസ്ഥാനത്തെ എല്ലാ പമ്പുകളിലും 15% എഥനോൾ ചേർത്ത പെട്രോൾഅഞ്ച് വര്‍ഷത്തിനുള്ളില്‍ ഭവനവായ്പ വിപണി ഇരട്ടിയിലധികം വളർച്ച നേടുംഇന്ത്യയുടെ വളർച്ച ഏഴ് ശതമാനത്തിലേക്ക് ഉയരുമെന്ന് ഐഎംഎഫ്ഇന്ത്യയിൽ നിന്നുള്ള സ്വർണ, വജ്ര കയറ്റുമതിയിൽ ഇടിവ്ക്രൂഡ് ഓയിൽ വില ഉയർന്നു നിൽക്കുന്നതിനിടെ ഇന്ത്യ വിൻഡ്ഫാൾ നികുതി വർധിപ്പിച്ചു

ഓയിൽ- വാതക ഉൽപ്പാദനം റെക്കോഡ് വേഗത്തിലാക്കി യുഎസ്

ക്രൂഡ് ഉൽപ്പാദനത്തിൽ റെക്കോഡുകൾ തിരുത്തി യുഎസ്. കഴിഞ്ഞ വർഷം യുഎസ് പ്രതിദിന എണ്ണ ഉൽപ്പാദന ശരാശരി 12.93 മില്യൺ ബാരൽ ആയിരുന്നു. 2019ൽ സ്ഥാപിച്ച 12.31 ദശലക്ഷം ബിപിഡി എന്ന റെക്കോഡാണ് അന്നു തകർക്കപ്പെട്ടത്.

കൃത്യമായി പറഞ്ഞാൽ 5 ശതമാനം ഉൽപ്പാദന വർധന രേഖപ്പെടുത്തി. ഉൽപ്പാദനം വർധിക്കുന്നുവെന്നാൽ വിപണികളിലേയ്ക്കുള്ള എണ്ണയുടെ വരവ് വർധിക്കുന്നുവെന്നാണ് അർത്ഥം. ഇത് ഡിമാൻഡ് ആശങ്കകൾ ലഘൂകരിക്കും.

എനർജി ഇൻഫർമേഷൻ അഡ്മിനിസ്‌ട്രേഷന്റെ (ഇഐഎ) ഏറ്റവും പുതിയ കണക്കുകൾ പ്രകാരം, 2024 -ൽ ഇതുവരെയുള്ള ശരാശരി പ്രതിദിന ഉൽപ്പാദനം 13.12 ദശലക്ഷം ബിപിഡി ആണ. ഒരു വർഷം മുമ്പുള്ള ഉൽപ്പാദന നിലവാരത്തേക്കാൾ 7.1% കൂടുതലും, കഴിഞ്ഞ വർഷത്തെ റെക്കോഡ് വേഗത്തേക്കാൾ 1.4% മുകളിലുമാണിത്.

യുഎസ് പ്രകൃതി വാതക ഉൽപ്പാദനം കണക്കുകളും സമാന കഥ പറയുന്നു. 2023 -ൽ യുഎസ് പ്രകൃതി വാതക ഉൽപ്പാദനം പ്രതിദിനം 125 ബില്യൺ ക്യുബിക് അടി (CFD) എന്ന റെക്കോഡ് രേഖപ്പെടുത്തിയിരുന്നു. 2022-ൽ സ്ഥാപിച്ച മുൻ റെക്കോഡിനേക്കാൾ 4% മുകളിലാണിത്.

പെട്രോളിയം ഡാറ്റ പോലെ പ്രകൃതി വാതക ഡാറ്റ റിപ്പോർട്ട് ചെയ്യപ്പെടുന്നില്ലെന്ന് നിങ്ങൾ മനസിലാക്കണം. എന്നാൽ പോലും ജനുവരിയിലെ പ്രകൃതി വാതക ഉൽപ്പാദന നില 124.6 ബില്യൺ ക്യുബിക് അടിയായിരുന്നു.

മുകളിൽ പറഞ്ഞ കണക്ക് 2023 ഡിസംബറിലെ പ്രതിമാസ ഉൽപ്പാദന റെക്കോഡ് പിന്തുടരുന്നു. 2024 ജനുവരിയും 2023 ജനുവരിയും താരതമ്യം ചെയ്താൽ, ഈ വർഷത്തെ ഉൽപ്പാദന നിലവാരം ഒരു വർഷം മുമ്പുള്ളതിനേക്കാൾ 1.1% കൂടുതലാണ്.

അതേസമയം യുഎസിൽ എണ്ണയ്ക്കും വാതകത്തിനുമായി ഡ്രില്ലിംഗ് നടത്തുന്ന റിഗുകളുടെ എണ്ണം ഒരു വർഷം മുമ്പുള്ളതിനേക്കാൾ ഏകദേശം 20% കുറവാണെന്നതാണു വസ്തുത. റിഗ് എണ്ണം മുൻ പാദത്തെ അപേക്ഷിച്ച് താരതമ്യേന സ്ഥിരതയുള്ളതാണ്. പാദാടിസ്ഥാനത്തിൽ 1% കുറവ് മാത്രമാണുള്ളത്.

യുഎസ് എണ്ണ, പ്രകൃതിവാതക ഉൽപ്പാദനം അവരുടെ മുകളിലേക്കുള്ള പാത തുടരുന്നുവെന്നാണു കണക്കുകൾ സൂചിപ്പിക്കുന്നത്. റിഗ് എണ്ണത്തിൽ നേരിയ കുറവുണ്ടായിട്ടുണ്ടെങ്കിലും, ക്രൂഡ് ഓയിൽ വില ഉയർന്നത് ഉൽപാദന വളർച്ചയെ പിന്തുണയ്ക്കുമെന്ന് പ്രതീക്ഷിക്കുന്നു.

നിലവിൽ ആഗോള വിപണിയിൽ ബ്രെന്റ് ക്രൂഡ് ബാരലിന് 82.92 ഡോളറും, ഡബ്ല്യുടിഐ ക്രൂഡ് ബാരലിന് 78.10 ഡോളറുമാണ് നിലവാരം.

ആഗോള വിപണിയിൽ ഡിമാൻഡ് ആശങ്കകൾ വർധിക്കുന്നതിനിടെയാണ് യുഎസിൽ നിന്നുള്ള ഈ ആശ്വാസ വാർത്തയെത്തുന്നത്. വില വർധിപ്പിക്കാൻ ഒപെക്ക് പ്ലസ് ഉൽപ്പാദന നിയന്ത്രണത്തിൽ കടുംപിടിത്തം തുടരുകയാണ്.

എണ്ണവില 100 ഡോളറിൽ എത്തിക്കുകയെന്നതാണ് സൗദിയുടെ ലക്ഷ്യമെന്നു ഐഎംഎഫ് അടുത്തിടെ വ്യക്തമാക്കിയിരുന്നു.

നിലവിലെ സാഹചര്യത്തിൽ അടുത്ത മാസം നടക്കാനിരിക്കുന്ന ഒപെക്ക് പ്ലസ് യോഗം ഏറെ നിർണായകമാണ്.

X
Top