ഇന്ത്യയിലേക്ക് 100 ബില്യണ്‍ ഡോളര്‍ എഫ്ഡിഐ എത്തുമെന്ന് സിറ്റി ഗ്രൂപ്പ്ഒന്നാം പാദത്തിലെ നിര്‍മ്മാണ ഉത്പ്പന്ന വില്‍പനയിൽ വലിയ തോതില്‍ ഇടിവ്ഇന്ത്യയിലെ ഏറ്റവും വലിയ ക്രിപ്റ്റോ എക്സ്ചേഞ്ചായ WazirX-ൽ വീണ്ടും ഹാക്കിംഗ്; അക്കൗണ്ടിൽ നിന്ന് മാറ്റപ്പെട്ടത് 1965 കോടി രൂപരാജ്യത്ത് ആഡംബര ഭവനങ്ങള്‍ക്ക് വന്‍ ഡിമാന്‍ഡ്കേന്ദ്ര ബജറ്റിൽ സർക്കാർ ശ്രദ്ധ കേന്ദ്രീകരിക്കാൻ സാധ്യതയുള്ള 5 പ്രധാന മേഖലകൾ; അടിസ്ഥാന സൗകര്യ വികസനത്തിനുള്ള മൂലധനച്ചെലവ് വർധിപ്പിച്ചേക്കും

തൃശൂർ റെയിൽവേ സ്റ്റേഷൻ അന്താരാഷ്ട്ര നിലവാരത്തിൽ നവീകരിക്കുന്നു; വിമാനത്താവള മാതൃകയിൽ പുതിയ റെയിൽവേ സ്റ്റേഷൻ

തൃശൂർ: സ്റ്റേഷൻ്റെ പുനർവികസനത്തിനായി 393.57 കോടി രൂപ റെയിൽവേ ചെലവഴിക്കും എന്ന് സൂചന. അത്യാധുനിക സൗകര്യങ്ങളോടെയുള്ള ലോകോത്തര റെയിൽവേ സ്റ്റേഷൻ തൃശൂരിൽ വരുമെന്ന് ദക്ഷിണ റെയിൽവേ തിരുവനന്തപുരം ഡിവിഷൻ വ്യക്തമാക്കി.

ഔദ്യോഗിക എക്സ് പ്ലാറ്റ്ഫോം ഹാൻഡിലിലൂടെയാണ് അറിയിപ്പ്. സതേൺ റെയിൽവേയുടെ ശ്രദ്ധേയമായ പദ്ധതികളിൽ ഒന്നാണിത്.

36 മീറ്റർ വീതിയുള്ള എയർ കോൺകോഴ്‌സും ഹോട്ടലും ഉൾപ്പെടെ നവീകരണ പദ്ധതിയിൽ ഉൾപ്പെടുന്നു. വിമാനത്താവള മാതൃകയിലാണ് പുതിയ റെയിൽവേ സ്റ്റേഷൻ വിഭാവനം ചെയ്തിരിക്കുന്നത്. കേന്ദ്ര ഗവൺമെൻ്റിൻ്റെ അമൃത് ഭാരത് സ്റ്റേഷൻ പദ്ധതിയുടെ ഭാഗമായി ആണ് സ്റ്റേഷൻ നവീകരണം.

കേരളത്തിൻ്റെ സാംസ്കാരിക തലസ്ഥാനമായ തൃശ്ശൂരിൽ സാംസ്കാരിക തനിമയും അത്യാധുനിക സൗകര്യങ്ങളും സമന്വയിപ്പിച്ചായിരിക്കും റെയിൽവേ സ്റ്റേഷൻ പണിയുന്നത് എന്നാണ് സൂചന. അമൃത് സ്റ്റേഷൻ പദ്ധതിക്ക് കീഴിൽ തൃശൂർ സ്റ്റേഷൻ വികസിപ്പിക്കുമെന്നാണ് അറിയിപ്പ്. 54,330 ചതുരശ്ര മീറ്ററിലാണ് പുതിയ പദ്ധതി.

ഒട്ടനവധി അത്യാധുനിക സൗകര്യങ്ങൾ പദ്ധതിയിൽ ഉൾപ്പെടുത്തും. 19 പുതിയ ലിഫ്റ്റുകളും 10 എസ്കലേറ്ററുകളും പദ്ധതിയിൽ ഉണ്ടാകും. യാത്രക്കാരുടെ സൗകര്യാർത്ഥമാണിത്. കൂടുതൽ എലവേറ്ററുകൾ സജ്ജമാകുന്നതോടെ പ്ലാറ്റ്‍ഫോമിലേക്ക് വേഗത്തിൽ എത്താനുമാകും.

എയർപോർട്ടുകളിലെ ടെർമിനലുകൾക്ക് സമാനമായ ടെർമിനലുകളും ഒരുക്കും.

പാർക്കിംഗ് സൌകര്യങ്ങൾ വികസിപ്പിക്കും
36 മീറ്റർ വലിപ്പമുള്ള എയർ ടെർമിനലാണ് ഒരുക്കുന്നത്. വിശാലമായ പാർക്കിംഗ് സൗകര്യവും തൃശ്ശൂർ റെയിൽവേ സ്റ്റേഷനോട് അനുബന്ധിച്ച് ഒരുക്കും. 2,520 ചതുരശ്ര മീറ്ററിൽ നിന്ന് 10,653 ചതുരശ്ര മീറ്ററായി പാർക്കിംഗ് ഏരിയ വികസിപ്പിക്കും.

മൾട്ടിലെവൽ കാർ പാർക്കിംഗ് സംവിധാനമാണ് ഒരുക്കുന്നത്. യാത്രക്കാർക്ക് റെയിൽവേ സ്റ്റേഷനിലേക്കുള്ള വരവും പോക്കും എളുപ്പമാക്കുന്ന രീതിയിലാണ് പുതിയ നവീകരണ പദ്ധതികൾ.
റോഡിൽ നിന്ന് നേരിട്ടുള്ള എൻട്രിയും വിഭാവനം ചെയ്യുന്നുണ്ട്.

വാണിജ്യ കെട്ടിടങ്ങളും റെയിൽവേ സ്റ്റേഷൻ്റെ ഭാഗമാകും. പുതിയ ഹോട്ടൽ ഉൾപ്പെടെ റെയിൽവേ സ്റ്റേഷനുള്ളിൽ തന്നെയുണ്ടാകും. യാത്രക്കാരുടെ പ്രധാന ഹബ്ബുകളിൽ ഒന്നായി തൃശ്ശൂർ റെയിൽവേ സ്റ്റേഷനെ ഉയർത്തുകയാണ് ലക്ഷ്യം.

അമൃത് സ്റ്റേഷൻ പദ്ധതി
രാജ്യവ്യാപകമായി 1275 സ്റ്റേഷനുകൾ പുനർവികസിപ്പിച്ചെടുക്കുന്നതിനായി റെയിൽവേ മന്ത്രാലയം 2023 ആരംഭിച്ച ഒരു പദ്ധതിയാണിത്. ഇന്ത്യൻ റെയിൽവേയുടെ പ്രധാന ഒരു പ്രോജക്ടാണിപ്പോൾ ഇത്.

ഭാരത്‌നെറ്റ്, ഒരു സ്റ്റേഷൻ ഒരു ഉൽപ്പന്നം, മേക്ക് ഇൻ ഇന്ത്യ, ഭാരത്‌മാല, തുടങ്ങിയ മറ്റ് പ്രധാന പദ്ധതികളുടെ നേട്ടവും പദ്ധതിക്ക് ലഭിക്കും.

X
Top