മുംബൈ: ഗുജറാത്തിൽ എസ്‌ജെവിഎൻ ലിമിറ്റഡിനായി (എസ്‌ജെവിഎൻ) 612 കോടി രൂപയുടെ 100 മെഗാവാട്ട് ഗ്രൗണ്ട് മൗണ്ടഡ് സോളാർ പ്രോജക്റ്റ് സ്ഥാപിക്കുന്നതിനുള്ള എൽഒഎ ലഭിച്ചതായി ടാറ്റ പവർ സോളാർ സിസ്റ്റംസ് ലിമിറ്റഡ് (ടിപിഎസ്എസ്എൽ) അറിയിച്ചു. ടാറ്റ പവർ റിന്യൂവബിൾ എനർജി ലിമിറ്റഡിന്റെ (ടിപിആർഇഎൽ) 100 ശതമാനം അനുബന്ധ സ്ഥാപനമാണ് ടിപിഎസ്എസ്എൽ.
കൂടാതെ ടിപിആർഇഎല്ലിൽ ടാറ്റ പവറിന് 93.94 ശതമാനം ഓഹരിയുണ്ട്. അതേസമയം ഹൈഡ്രോ, തെർമൽ, സോളാർ, കാറ്റ്, പവർ ട്രാൻസ്മിഷൻ, പവർ ട്രേഡിങ്ങ് എന്നിവയിൽ ബിസിനസ് താൽപ്പര്യമുള്ള ഒരു ഇന്ത്യൻ പൊതുമേഖലാ സ്ഥാപനമാണ് എസ്‌ജെവിഎൻ. കേന്ദ്ര സർക്കാരിന്റെയും ഹിമാചൽ പ്രദേശ് സർക്കാരിന്റെയും സംയുക്ത സംരംഭമാണിത്.
ഗുജറാത്തിലെ രാഘനെസ്ദ സോളാർ പാർക്കിൽ സ്ഥാപിക്കുന്ന പദ്ധതിക്കായുള്ള ലേലങ്ങൾ ഈ വർഷം ആദ്യം ക്ഷണിച്ചിരുന്നതായി കമ്പനി അറിയിച്ചു. താരിഫ് അടിസ്ഥാനമാക്കിയുള്ള മത്സര ബിഡ്ഡിംഗിലൂടെയാണ് ടിപിഎസ്എസ്എൽ ഈ പദ്ധതി സ്വന്തമാക്കിയത്. എൽഒഎ ലഭിച്ച് 11 മാസത്തിനുള്ളിൽ ഈ പദ്ധതി കമ്മീഷൻ ചെയ്യും.
രാജ്യത്ത് നിരവധി വലിയ സോളാർ ഗ്രൗണ്ട് മൌണ്ട് പ്രോജക്ടുകൾ കമ്മീഷൻ ചെയ്തിട്ടുള്ള കമ്പനിയാണ് ടിപിഎസ്എസ്എൽ. ഇഷ്‌ടാനുസൃതമാക്കിയ സ്‌ട്രാറ്റജിക് റിന്യൂവബിൾ പ്രോജക്‌റ്റുകൾ നടപ്പിലാക്കുന്നതിൽ കമ്പനി ഒരു മുൻനിരക്കാരനാണ്. ഈ പദ്ധതിയോടെ കമ്പനിയുടെ മൊത്തം പോർട്ട്‌ഫോളിയോ 9.9GWp-ൽ എത്തും. നിലവിൽ ടിപിഎസ്എസ്എല്ലിന്റെ മൊത്തം ഓർഡർ ബുക്ക് 15,520 കോടി രൂപയാണ്.
