കൊച്ചി: ടാറ്റ മോട്ടോഴ്സ് ലിമിറ്റഡ് ജനുവരിയില് ആഭ്യന്തര, അന്താരാഷ്ട്ര വിപണികളിലായി മൊത്തം 41,549 വാണിജ്യ വാഹനങ്ങള് വില്പ്പന നടത്തി. 2025 ജനുവരിയിലെ 31,988 യൂണിറ്റുകളുമായി താരതമ്യം ചെയ്യുമ്പോള് ഇത് 29.9 ശതമാനം വാര്ഷിക വളര്ച്ച രേഖപ്പെടുത്തി.
വിഭാഗം തിരിച്ചുള്ള വില്പ്പന: എച്ച്സിവി ട്രക്കുകള്: 12,691 യൂണിറ്റുകള് (41.2% വളര്ച്ച), ഐഎല്എംസിവി ട്രക്കുകള്: 7,071 യൂണിറ്റുകള് (33.5% വളര്ച്ച), പാസഞ്ചര് കാരിയേഴ്സ്: 4,562 യൂണിറ്റുകള് (0.4% കുറവ്), എസ്സിവി കാര്ഗോ & പിക്കപ്പ്: 14,520 യൂണിറ്റുകള് (29.5% വളര്ച്ച) എന്നിങ്ങനെയാണ്.
ജനുവരിയില് ആഭ്യന്തര വില്പ്പന 38,844 യൂണിറ്റുകളായപ്പോള്, അന്താരാഷ്ട്ര ബിസിനസ് 2,705 യൂണിറ്റുകളായി, ഇത് 42 ശതമാനം വളര്ച്ചയാണ്.
മീഡിയം & ഹെവി കൊമേഴ്സ്യല് വാഹന വിഭാഗത്തില്, ആഭ്യന്തര വില്പ്പന ജനുവരിയില് 19,676 യൂണിറ്റുകള് ആയി ഉയര്ന്നു (2025 ജനുവരിയില് 15,137 യൂണിറ്റുകള്). ആഭ്യന്തര, അന്താരാഷ്ട്ര വില്പ്പന ചേര്ത്ത് നോക്കുമ്പോള്, ഇത് 20,792 യൂണിറ്റുകള് ആയി, മുന്വര്ഷത്തെ 16,076 യൂണിറ്റുകളില് നിന്ന് വ്യക്തമായ വര്ധന രേഖപ്പെടുത്തി.
