Alt Image
സമ്പദ്‌വ്യവസ്ഥയുടെ വളർച്ചയിൽ നേരിയ ഇടിവുണ്ടാകുമെന്ന് ഐസിആർഎ; രണ്ടാം പാദത്തിൽ 7.5% മാത്രം, കാർഷിക മേഖലയിൽ വലിയ തിരിച്ചടി ◆ രത്ന, ആഭരണ കയറ്റുമതിയിൽ 34 ശതമാനം കുതിപ്പ് ◆ രാജ്യത്തെ സ്വർണപ്പണയ വിപണിയിൽ ആഗോള ഭീമന്മാരുടെ മത്സരം ◆ ഇന്ത്യയിൽ കല്യാണ സീസണ്‍ തുടങ്ങുന്നു: 45 ദിവസത്തിനിടെ ആറരലക്ഷം കോടിയുടെ ബിസിനസ്! ◆ വിമാനക്ഷാമം പരിഹരിക്കാൻ പുതിയ നീക്കവുമായി ഇന്ത്യ; 1,000 വിമാനങ്ങൾ കൂടി ഓർഡർ ചെയ്യാൻ തയ്യാറാണെന്ന് പീയുഷ് ഗോയൽ ◆

സുസുക്കി ഇന്ത്യയിൽ 70,000 കോടി രൂപ നിക്ഷേപിക്കും

മുംബൈ: അടുത്ത അഞ്ചു മുതൽ ആറു വർഷത്തിനുള്ളിൽ ഇന്ത്യയിൽ 70,000 കോടി രൂപ നിക്ഷേപിക്കുമെന്ന് പ്രഖ്യാപിച്ച് ‌ജാപ്പനീസ് വാഹന നിർമാതാക്കളായ സുസുക്കി മോട്ടോർസ്. ഇ-വിറ്റാര ഫ്ലാഗ് ഓഫ് ചെയ്ത ചടങ്ങിലാണ് നിക്ഷേപ വിവരം കമ്പനി പുറത്തുവിട്ടത്.

മാരുതി സുസുക്കിയിൽ ഭൂരിപക്ഷ ഓഹരിയുള്ള സുസുക്കി ഇതിനകംതന്നെ ഇന്ത്യയിൽ 17 മോഡലുകൾ നിർമിച്ച് 100 രാജ്യങ്ങളിലേക്ക് കയറ്റുമതി ചെയ്യുന്നുണ്ട്. ഇനി ഇന്ത്യയെ ഇലക്‌ട്രിക് കാറുകളുടെ ഗ്ലോബൽ പ്രൊഡക്‌ഷൻ ഹബ്ബായി മാറ്റാനാണ് കമ്പനി പദ്ധതിയിടുന്നത്.

ഈ പ്രഖ്യാപനത്തെത്തുടർന്ന് മാരുതി സുസുക്കിയുടെ ഓഹരികൾ 2.6 ശതമാനം ഉയർന്ന് ചരിത്രത്തിലെ ഏറ്റവും ഉയർന്ന നിരക്കിലെത്തി. ലോകത്തിലെ മൂന്നാമത്തെ വലിയ കാർ വിപണിയായ ഇന്ത്യയിൽ 40 ശതമാനവും മാരുതി സുസുക്കിയാണ് കൈയടക്കിയിരിക്കുന്നത്.

X
Top