കൊച്ചി: കേരളത്തിലെ സ്വർണ്ണ വിലയിൽ (Gold Rate) താഴ്ച്ച. പവന് 80 രൂപയും, ഗ്രാമിന് 10 രൂപയുമാണ് വില കുറഞ്ഞത്. ഇന്ന് ഒരു പവൻ സ്വർണ്ണത്തിന് 52,440 രൂപയും, ഗ്രാമിന് 6,555 രൂപയുമാണ് വില.
അന്താരാഷ്ട്ര തലത്തിൽ, സ്വർണ്ണം (International Gold Rate) ബുധനാഴ്ച്ച രാവിലെ ഫ്ലാറ്റ് നിലവാരത്തിലാണ് വ്യാപാരം നടത്തുന്നത്. കേരളത്തിലെ വെള്ളി വിലയിൽ (Silver Rate) ഇന്ന് ഉയർച്ചയുണ്ട്.
ഇന്നലെ കേരളത്തിലെ സ്വർണ്ണ വിലയിൽ വർധനവുണ്ടായിരുന്നു. ഗ്രാമിന് 95 രൂപയും, പവന് 760 രൂപയുമാണ് വില വർധിച്ചത്. ഇന്നലെ ഒരു പവൻ സ്വർണ്ണത്തിന് 52,520 രൂപയും, ഗ്രാമിന് 6,565 രൂപയുമായിരുന്നു വില. ഇത് ഈ മാസത്തെ ഉയർന്ന വില നിലവാരമാണ്.
ഇക്കഴിഞ്ഞ വ്യാഴാഴ്ച്ച സംസ്ഥാനത്തെ സ്വർണ്ണ വിലയിൽ മാറ്റമില്ലായിരുന്നു. അന്ന് പവന് 50,800 രൂപയും, ഗ്രാമിന് 6,350 രൂപയുമായിരുന്നു വില. ഇത് ആഗസ്റ്റിലെ താഴ്ന്ന നിരക്കാണ്. ഈ നിലവാരത്തിൽ നിന്ന് ഇതു വരെ ഒരാഴ്ച്ചയ്ക്കുള്ളിൽ പവന് 1,640 രൂപയും, ഗ്രാമിന് 205 രൂപയുമാണ് വില കൂടിയിരിക്കുന്നത്.
ആഗോള സ്വർണ്ണവില
അന്താരാഷ്ട്ര തലത്തിൽ, ബുധനാഴ്ച്ച രാവിലെ സ്വർണ്ണ വ്യാപാരം ഫ്ലാറ്റ് നിലവാരത്തിലാണ് നടക്കുന്നത്. ട്രോയ് ഔൺസിന് 1.58 ഡോളർ (0.06%) താഴ്ന്ന് 2,462.41 ഡോളർ എന്നതാണ് നിരക്ക്.
ആഗോള തലത്തിൽ സംഘർഷങ്ങൾ വർധിക്കുന്നത്, സുരക്ഷിത ആസ്തി എന്ന നിലയിൽ സ്വർണ്ണത്തിന്റെ ഡിമാൻഡ് വർധിപ്പിക്കുന്നു. യു.എസിൽ മാന്ദ്യ ഭീഷണി നില നിൽക്കുന്നതും, ലോകമെങ്ങും ഓഹരി വിപണികളിൽ കൂടിയ അസ്ഥിരത പ്രകടമാകുന്നതും സ്വർണ്ണത്തിന് നേട്ടമായി മാറുന്നു.
യു.എസ് ഫെഡ് പലിശ നിരക്കുകൾ സെപ്തംബറോടെ കുറച്ചേക്കുമെന്ന സൂചനകളും, ലോകബാങ്കുകൾ സ്വർണ്ണ നിക്ഷേപം വർധിപ്പിച്ചു കൊണ്ടു വരുന്നതും മഞ്ഞലോഹത്തിന്റെ തിളക്കമേറാൻ കാരണമാകുന്നു.
വെള്ളി വില
സംസ്ഥാനത്തെ വെള്ളിവിലയിൽ ഇന്ന് വർധന. ഒരു ഗ്രാം വെള്ളിക്ക് 88.60 രൂപയാണ് വില. 8 ഗ്രാമിന് 708.80 രൂപ,10 ഗ്രാമിന് 886 രൂപ,100 ഗ്രാമിന് 8,860 രൂപ, ഒരു കിലോഗ്രാമിന് 88,600 രൂപ എന്നിങ്ങനെയാണ് നിരക്കുകൾ.
ഇന്ന് ഒരു കിലോഗ്രാം വെള്ളിക്ക് 100 രൂപയാണ് വില കൂടിയിരിക്കുന്നത്.
