ദില്ലി: സിപിഎം ജനറൽ സെക്രട്ടറി സീതാറാം യെച്ചൂരി അന്തരിച്ചു. 72 വയസായിരുന്നു. ശ്വാസകോശ അണുബാധയെ തുടർന്ന് ദില്ലി എയിംസിൽ ചികിത്സയിലിരിക്കെ ഇന്നലെ വൈകിട്ടോടെയാണ് മരണം.
കഴിഞ്ഞ മാസം 19നാണ് ശ്വാസ തടസ്സത്തെ തുടർന്ന് സീതാറാം യെച്ചൂരിയെ എയിംസിൽ പ്രവേശിപ്പിച്ചത്. നില വഷളായതോടെ വെൻ്റിലേറ്ററിലേക്ക് മാറ്റിയിരിക്കുകയായിരുന്നു.
ആന്ധ്രാപ്രദേശിലെ കിഴക്കന് ഗോദാവരി സ്വദേശിയായ സീതാറം യെച്ചൂരി 1952 ഓഗസ്റ്റ് 12-ന് മദ്രാസിലാണ് ജനിച്ചത്.
ദില്ലി സെന്റ് സ്റ്റീഫന്സ് കോളേജില് നിന്ന് സാമ്പത്തിക ശാസ്ത്രത്തില് ബിരുദം നേടിയ ഇദ്ദേഹം ജെ.എന്.യുവില് നിന്ന് സാമ്പത്തിക ശാസ്ത്രത്തില് ബിരുദാനന്തര ബിരുദം നേടി. ജെ.എന്.യുവില് വച്ച് കമ്മ്യൂണിസ്റ്റ് പാര്ട്ടിയില് ആകൃഷ്ടനായി. 1974-ല് എസ്എഫ്ഐയില് അംഗമായി. മൂന്നുവട്ടം ജെ.എന്.യു സര്വകലാശാല യൂണിയന് പ്രസിഡന്റായി.
1992-ല് മദ്രാസില് നടന്ന പാര്ട്ടി കോണ്ഗ്രസില് പൊളിറ്റ് ബ്യൂറോ അംഗമായ അദ്ദേഹം 2015-ല് വിശാഖപട്ടണം പാര്ട്ടി കോണ്ഗ്രസില് പ്രകാശ് കാരാട്ടില് നിന്ന് സിപിഎം ദേശീയ ജനറല് സെക്രട്ടറി പദവി ഏറ്റെടുത്തു.
2018-ല് ഹൈദരാബാദിലെ പാര്ട്ടി കോണ്ഗ്രസില് വീണ്ടും സിപിഎം ദേശീയ അധ്യക്ഷനായി. 2022-ല് കണ്ണൂര് പാര്ട്ടി കോണ്ഗ്രസില് മൂന്നാം വട്ടവും പാര്ട്ടി ദേശീയ അധ്യക്ഷനായി തിരഞ്ഞെടുക്കപ്പെട്ടു.
2005-ല് പശ്ചിമ ബംഗാളില് നിന്നുള്ള രാജ്യസഭാംഗമായിരുന്നു.
