മുംബൈ: ഉദാരവത്കൃത പണമയക്കല് പദ്ധതി (എല്ആര്എസ്) പ്രകാരമുള്ള എല്ലാ ഇടപാടുകളും നിര്ത്തിവയ്ക്കാന് റിസര്വ് ബാങ്ക് ഓഫ് ഇന്ത്യ (ആര്ബിഐ) എസ്ബിഎം ബാങ്കിനോട് ആവശ്യപ്പെട്ടു. ബാങ്കിന്റെ ഫിന്ടെക്ക് പങ്കാളികള് വിദേശ പണ കൈമാറ്റ ചട്ടങ്ങള് ലംഘിച്ചെന്ന് ഉദ്യോഗസ്ഥര് പറയുന്നു. ഓരോ സാമ്പത്തിക വര്ഷവും 250,000 ഡോളര് വരെ വിദേശത്തേക്ക് അയയ്ക്കാന് ഇന്ത്യന് നിവാസികളെ അനുവദിക്കുന്ന പദ്ധതിയാണ് എല്ആര്എസ്.
അതേസമയം മുഴുവന് ഇടപാടിന്റെയും ഉടമസ്ഥാവകാശം ബാങ്കില് നിക്ഷിപ്തമാക്കിയാല് സംവിധാനം പുനരാരംഭിക്കാമെന്നാണ് ആര്ബിഐയുടെ നിര്ദ്ദേശം. എത്രയും വേഗം തകരാറുകള് പരിഹരിക്കുമെന്ന് എസ്ബിഎം ഉദ്യോഗസ്ഥര് അറിയിക്കുന്നു.
സ്റ്റേറ്റ് ബാങ്ക് ഓഫ് മൗറീഷ്യസിന്റെ അനുബന്ധ സ്ഥാപനമാണ് എസ്ബിഎം ബാങ്ക്.സാര്വത്രിക ബാങ്കിംഗ് ലൈസന്സ് ലഭിക്കുന്ന ആദ്യത്തെ വിദേശ അനുബന്ധ ബാങ്കാണ് ഇത്.
