കേന്ദ്ര ബജറ്റ് 2024: പുതിയ നികുതി ഘടന ആകർഷകമായേക്കുംഇത്തവണയും അവതരിപ്പിക്കുന്നത് റെയിൽവേ ബജറ്റും കൂടി ഉൾപ്പെടുന്ന കേന്ദ്ര ബജറ്റ്ടെലികോം മേഖലയുടെ സമഗ്ര പുരോഗതി: വിവിധ കമ്പനികളുമായി ചർച്ച നടത്തി ജ്യോതിരാദിത്യ സിന്ധ്യഇന്ത്യൻ സമ്പദ്‍വ്യവസ്ഥയുടെ കുതിപ്പ് പ്രവചിച്ച് രാജ്യാന്തര ഏജൻസികൾസംസ്ഥാനത്തെ എല്ലാ പമ്പുകളിലും 15% എഥനോൾ ചേർത്ത പെട്രോൾ

13 ബില്യണ്‍ ഡോളര്‍ സമാഹരിക്കാൻ ലക്ഷ്യമിട്ട് രണ്ടാം ഘട്ട ഓഹരി വില്‍പ്പനയ്‌ക്കൊരുങ്ങി സൗദി അരാംകോ

റിയാദ്: സൗദി എണ്ണക്കമ്പനിയായ അരാംകോ രണ്ടാഘട്ട ഓഹരി വില്‍പ്പന ജൂണ്‍ രണ്ട് ഞായാറാഴ്ച ആരംഭിച്ചേക്കുമെന്ന് റിപ്പോര്‍ട്ട്. 13 ബില്യണ്‍ ഡോളര്‍ വില മതിക്കുന്ന 1.5 ബില്യണ്‍ ഓഹരികളാണ് പബ്ലിക് ഓഫറിംഗിലൂടെ അരാംകോ വിറ്റഴിക്കുക.

രാജ്യത്തിന്റെ സമ്പദ്വ്യവസ്ഥയെ വൈവിധ്യവല്‍ക്കരിക്കാന്‍ കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്റെ നേതൃത്വത്തില്‍ നടക്കുന്ന പദ്ധതികളുടെ ഭാഗമായാണ് നടപടി.

സൗദിയിലും അന്താരാഷ്ട്ര നിക്ഷേപകര്‍ക്കിടയിലും ഷെയര്‍ഹോള്‍ഡര്‍ ബേസ് വര്‍ധിപ്പിക്കാനുള്ള അവസരമാണ് ഈ ഓഫര്‍ നല്‍കുന്നതെന്ന് അരാംകോ ചീഫ് എക്സിക്യൂട്ടീവ് അമിന്‍ നാസര്‍ പ്രഖ്യാപനത്തിന് ശേഷം മാധ്യമപ്രവര്‍ത്തകരോട് പറഞ്ഞു.

‘ലിക്വിഡിറ്റി വര്‍ദ്ധിപ്പിക്കുന്നതിനും ഞങ്ങളുടെ ആഗോള സൂചികാ കരുത്ത് വര്‍ദ്ധിപ്പിക്കുന്നതിനും ഇത് അവസരമൊരുക്കുമെന്നും അദ്ദേഹം അഭിപ്രായപ്പെട്ടു.

നിലവിലെ ഓഹരി വിലയില്‍ നിന്നും പത്ത് ശതമാനം കിഴിവോടെയാണ് പുതിയ ഓഹരികള്‍ വില്‍ക്കുകയെന്നാണ് റിപ്പോര്‍ട്ട്. രാജ്യത്തിനകത്തും പുറത്തുമുള്ള നിക്ഷേപകര്‍ക്ക് അരാംകോയുടെ ഓഹരി സ്വന്തമാക്കാന്‍ ഇത് അവസരമൊരുക്കും.

ഓഹരി വില്‍പ്പനയുടെ കാലയളവ് സംബന്ധിച്ച് അന്തിമ തീരുമാനമായിട്ടില്ല. എന്നാല്‍ നിബന്ധനകളിലും വലിപ്പത്തിലും മാറ്റമുണ്ടാകുമെന്നും സാമ്പത്തിക മാധ്യമങ്ങള്‍ വ്യക്തമാക്കി.

ടൂറിസം മേഖലയില്‍ ഉള്‍പ്പെടെ രാജ്യത്ത് നടന്നുവരുന്ന വന്‍ വികസന പദ്ധതികള്‍ക്ക് ആവശ്യമായ മൂലധനം സമാഹരിക്കാന്‍ ഇത് സഹായകമാവുമെന്നാണ് ഈ മേഖലയില്‍ പ്രവര്‍ത്തിക്കുന്നവരുടെ നിരീക്ഷണം.

രാജ്യം പ്രതീക്ഷിച്ച രീതിയിലുള്ള വിദേശ നിക്ഷേപം ലഭിക്കാത്ത സാഹചര്യത്തില്‍ ഈ തീരുമാനത്തിന് ഏറെ പ്രസക്തിയുണ്ടെന്നും അവര്‍ പറയുന്നു.

പുനരുപയോഗ ഊര്‍ജം, സാങ്കേതികവിദ്യ, ടൂറിസം, ലോജിസ്റ്റിക്സ്, നിര്‍മ്മാണം എന്നിവയുള്‍പ്പെടെയുള്ള വിവിധ മേഖലകളിലേക്ക് ആവശ്യമായ മൂലധനം കണ്ടെത്താന്‍ സൗദി ഭരണകൂടത്തിന് ഈ വില്‍പ്പന കരുത്താകും.

X
Top