സംസ്ഥാനത്തെ എല്ലാ പമ്പുകളിലും 15% എഥനോൾ ചേർത്ത പെട്രോൾഅഞ്ച് വര്‍ഷത്തിനുള്ളില്‍ ഭവനവായ്പ വിപണി ഇരട്ടിയിലധികം വളർച്ച നേടുംഇന്ത്യയുടെ വളർച്ച ഏഴ് ശതമാനത്തിലേക്ക് ഉയരുമെന്ന് ഐഎംഎഫ്ഇന്ത്യയിൽ നിന്നുള്ള സ്വർണ, വജ്ര കയറ്റുമതിയിൽ ഇടിവ്ക്രൂഡ് ഓയിൽ വില ഉയർന്നു നിൽക്കുന്നതിനിടെ ഇന്ത്യ വിൻഡ്ഫാൾ നികുതി വർധിപ്പിച്ചു

ഇന്ത്യയിൽ വന്‍ നിക്ഷേപത്തിന് റഷ്യ

ന്യൂഡൽഹി: ഇന്ത്യൻ ഓഹരിവിപണികളിലും, കടപ്പത്രങ്ങളിലും മറ്റ് മേഖലകളിലും വലിയ നിക്ഷേപം നടത്താൻ റഷ്യ തീരുമാനിച്ചു. ഇന്ത്യ റഷ്യയിൽ നിന്ന് വൻ തോതിലാണ് ക്രൂഡ് ഓയിൽ ഇറക്കുമതി നടത്തിക്കൊണ്ടിരിക്കുന്നത്. ഇതിന്റെ പേയ്മെന്റ് രൂപയിലാണ് നൽകുന്നത്.

ഇത്തരത്തിൽ റഷ്യൻ കമ്പനികൾക്ക് ലഭിച്ച ബില്യൺ കണക്കിന് രൂപ ഇന്ത്യൻ ബാങ്കുകളിലുണ്ട്. ഇന്ത്യയിൽ നിക്ഷേപം നടത്തി ഈ തുക വിനിയോഗിക്കുക എന്നതാണ് ലക്ഷ്യം.

രൂപയിലുള്ള ആഗോള വിനിമയത്തിലെ സാങ്കേതിക ബുദ്ധിമുട്ട് കാരണം പേയ്മെന്റ് ഇന്ത്യൻ കറൻസിയിൽ വാങ്ങാൻ നേരത്തെ റഷ്യ വിമുഖത പ്രകടിപ്പിച്ചിരുന്നു. എന്നാൽ ലോകത്തെ മൂന്നാമത്തെ വലിയ ക്രൂഡ് ഓയിൽ ഇറക്കുമതി രാജ്യമായ ഇന്ത്യയ്ക്ക് ഇന്ധനം നൽകാതിരിക്കുന്നത് പടിഞ്ഞാറൻ രാജ്യങ്ങളുടെ വിലക്ക് നേരിടുന്ന റഷ്യൻ ഇന്ധനത്തെ സംബന്ധിച്ച് നഷ്ടവുമാണ്. ഇതിനൊരു പരിഹാരമെന്ന നിലയിലാണ് പുതിയ തീരുമാനം.

ഇന്ത്യൻ ഓഹരിവിപണികൾ, സർക്കാർ കടപ്പത്രങ്ങൾ, അടിസ്ഥാന സൗകര്യ വികസനവുമായി ബന്ധപ്പെട്ട പദ്ധതികൾ തുടങ്ങിയവയിലെല്ലാം റഷ്യ നിക്ഷേപം നടത്തും. ഇതിലൂടെ റഷ്യൻ ക്രൂഡ് ഓയിലിന്റെ ഇന്ത്യയിലേക്കുള്ള സപ്ലൈ ഉയർത്തി നിർത്തുക എന്നതും റഷ്യയുടെ ലക്ഷ്യമാണ്.

ഇന്ത്യയെ സംബന്ധിച്ച്, ഡിസ്കൗണ്ട് പഴയതുപോലെ ഇല്ലെങ്കിലും, ഏറ്റവും വിലക്കുറവിൽ ഇപ്പോഴും ലഭിക്കുന്നത് റഷ്യൻ ഇന്ധനമാണ്.

ഇക്കാരണങ്ങളാൽ കഴിഞ്ഞ മാസങ്ങളിലെല്ലാം റഷ്യൻ ക്രൂഡ് ഇറക്കുമതി ഉയർന്നു നിന്നിരുന്നു. ആയിരക്കണക്കിന് കോടി രൂപ ഇന്ത്യയിലേക്ക് പുതിയതായി നിക്ഷേപമെത്തുന്നു എന്നതും രാജ്യത്തിന്റെ സമ്പദ് വ്യവസ്ഥയ്ക്ക് ഊർജ്ജമേകും. ഇത്തരത്തിൽ ഇരട്ട നേട്ടമാണ് ഇന്ത്യയ്ക്ക് ലഭിക്കുക എന്നാണ് വിലയിരുത്തപ്പെടുന്നത്.

റഷ്യ-യുക്രൈൻ യുദ്ധത്തിന് മുമ്പ് സ്വിഫ്റ്റ് എന്ന ആഗോള പെയ്മന്റ് സംവിധാനത്തിലൂടെയാണ് റഷ്യ-ഇന്ത്യ സാമ്പത്തിക വിനിമയങ്ങൾ നടത്തിയിരുന്നത്. എന്നാൽ യുദ്ധം ആരംഭിച്ചതോടെ റഷ്യ ഈ സംവിധാനത്തിൽ നിന്ന് ഒഴിവായി.

തുടർന്ന് സ്പെഷ്യൽ റൂപ്പി വാസ്ട്രോ അക്കൗണ്ടുകളിലാണ് (SRVA) പേയ്മെന്റുകൾ നടന്നത്. റഷ്യൻ കമ്പനികളുടെ SRVA അക്കൗണ്ടുകളിലെ രൂപയാണ് ഇന്ത്യയിൽത്തന്നെ ഇനി നിക്ഷേപം നടത്തുക.

ഒരു SRVA എന്നത് ഇന്ത്യൻ ബാങ്കുകൾ, വിദേശ ബാങ്കുകൾക്ക് വേണ്ടി ആഭ്യന്തര കറൻസി അടിസ്ഥാനത്തിൽ ഹോൾഡ് ചെയ്യുന്ന അക്കൗണ്ടാണ്. ലളിതമായി പറഞ്ഞാൽ വിദേശ കറൻസി ഇന്ത്യൻ രൂപയിലേക്ക് മാറ്റുന്ന ഒരു സംവിധാനമാണിത്. ഇത് കൂടുതലായും ട്രേഡ് സെറ്റിൽമെന്റുകൾക്കാണ് ഉപയോഗിക്കാറുള്ളത്.

വ്യവസ്ഥകൾ പ്രകാരം ഈ അക്കൗണ്ടുകളിലെ തുക വ്യാപാരത്തിന് പുറമെ സർക്കാർ സെക്യൂരിറ്റികൾ, പ്രൊജക്ടുകൾ അടക്കം അനുമതിയുള്ള മാർഗങ്ങളിൽ നിക്ഷേപിക്കാൻ സാധിക്കും.

പ്രതിരോധ ഇടപാടുകളിൽ ഇന്ത്യയും, റഷ്യയും തമ്മിലുള്ള വിനിമയ പ്രശ്നങ്ങൾക്കും ഇതോടെ പരിഹാരമാകുമെന്നാണ് കരുതപ്പെടുന്നത്.

ദേശീയ കറൻസിയിലുള്ള ട്രേഡ് സെറ്റിൽമെന്റുകൾക്കായി റഷ്യ ഉൾപ്പെടെയുള്ള പല രാജ്യങ്ങൾക്കും ഇന്ത്യയിൽ SRVA അക്കൗണ്ടുകളുണ്ട്.

വ്യാപാര സംബന്ധമായി ഇന്ത്യയും, റഷ്യയും സ്വന്തം കറൻസികളിൽത്തന്നെയാണ് വിനിമയങ്ങൾ നടത്താറുള്ളത്. ഊർജ്ജ സംബന്ധമായ ഇടപാടുകളിൽ ചിലപ്പോൾ യു.എ.ഇ ദിർഹവും ഉപയോഗിക്കുന്നു.

ഇന്ത്യ-ചൈന ബന്ധം ഉലഞ്ഞിരിക്കുന്ന സാഹചര്യത്തിൽ ചൈനീസ് യുവാനിൽ പേയ്മെന്റ് നടത്താൻ ഇന്ത്യ തയ്യാറാവുന്നില്ല. ഇതെല്ലാം പുതിയ വഴികൾ തേടാൻ റഷ്യയെയും, ഇന്ത്യയെയും പ്രേരിപ്പിച്ചുവെന്നാണ് വിലയിരുത്തൽ.

X
Top