ഫ്രഞ്ച് വാഹന നിർമ്മാതാക്കളായ റെനോ, ഇന്ത്യയിൽ നിർമ്മിച്ച ഡസ്റ്റർ എസ്യുവികളുടെ ആദ്യ ബാച്ച് ദക്ഷിണാഫ്രിക്കയിലേക്ക് കയറ്റി അയച്ചു. ചെന്നൈക്കടുത്തുള്ള ഒരഗടം പ്ലാൻ്റിൽ നിർമ്മിച്ച 750 ഡസ്റ്റർ എസ്യുവികളാണ് ആദ്യ ഘട്ടത്തിൽ ചെന്നൈ തുറമുഖത്ത് നിന്ന് ദക്ഷിണാഫ്രിക്കയിലേക്ക് അയച്ചത്. ഇന്ത്യയെ ഒരു പ്രധാന ആഗോള കയറ്റുമതി ഹബ്ബാക്കി മാറ്റാനുള്ള റെനോയുടെ തന്ത്രപ്രധാനമായ നീക്കത്തിൻ്റെ ഭാഗമാണിത്.
‘റൈറ്റ് ഹാൻഡ് ഡ്രൈവ്’ അവലംബിക്കുന്ന വിദേശ വിപണികളിലേക്കാണ് ഇന്ത്യയിൽ നിന്നുള്ള പുതിയ മോഡലുകൾ പ്രധാനമായും എത്തുന്നത്. വരും മാസങ്ങളിൽ ദക്ഷിണാഫ്രിക്കയ്ക്ക് പുറമേ മറ്റ് അന്താരാഷ്ട്ര വിപണികളിലേക്കും ഇന്ത്യയിൽ നിർമ്മിച്ച ഈ ജനപ്രിയ എസ്യുവികൾ കയറ്റി അയക്കാൻ റെനോ പദ്ധതിയിടുന്നുണ്ട്. ഇന്ത്യയിലെ വാഹന നിർമ്മാണ രംഗത്തിനും കയറ്റുമതി മേഖലയ്ക്കും വലിയൊരു നേട്ടമാണ് ഈ പുതിയ നീക്കം.
