Alt Image
6.8 ശതമാനം കൈവരിക്കാന്‍ ഇന്ത്യയ്ക്ക് നിർദേശങ്ങളുമായി ഐഎംഎഫ്; ഉല്‍പ്പാദനക്ഷമതാ വളര്‍ച്ച വര്‍ധിപ്പിക്കുകയും സ്വകാര്യ നിക്ഷേപം ശക്തിപ്പെടുത്തുകയും വേണം ◆ റഷ്യയിൽ നിന്നുള്ള ഇന്ത്യയുടെ എണ്ണ ഇറക്കുമതി റെക്കോഡ് നിരക്കിൽ ◆ ചില്ലറ പണപ്പെരുപ്പം രണ്ടു വർഷത്തെ ഉയർന്ന നിരക്കിൽ ◆ ഖത്തറില്‍ നിന്നുള്ള എല്‍എന്‍ജി വിതരണം തടസ്സപ്പെട്ടു; പ്രതിസന്ധി മറികടക്കാൻ പുതു വഴികള്‍ തേടി ഇന്ത്യ ◆ രാജ്യത്തെ നഗരങ്ങളിൽ തൊഴിലില്ലായ്മ കൂടുന്നുവെന്ന് റിപ്പോർട്ട് ◆

യുപിയിൽ 75,000 കോടിയുടെ നിക്ഷേപം നടത്തുമെന്ന് മുകേഷ് അംബാനി

ന്യൂഡൽഹി: യു.പിയിൽ 75,000 കോടിയുടെ നിക്ഷേപം നടത്തുമെന്ന് റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി. അടുത്ത നാല് വർഷത്തിനുള്ളിൽ ഒരു ലക്ഷം തൊഴിലുകൾ യു.പിയിൽ സൃഷ്ടിക്കുകയെന്നതും ലക്ഷ്യമാണെന്ന് അംബാനി പറഞ്ഞു. യു.പി നിക്ഷേപക സംഗമത്തിൽ സംസാരിക്കുമ്പോഴാണ് അംബാനിയുടെ പരാമർശം.

ടെലികോം, റീടെയിൽ, ഊർജം തുടങ്ങിയ മേഖലകളിലാണ് നിക്ഷേപം നടത്തുക. 2023 ഡിസംബറിൽ യു.പിയിൽ 5ജി സേവനം ആരംഭിക്കുമെന്നും അദ്ദേഹം പറഞ്ഞു. 10 ജിഗാവാട്ടിന്റെ വൈദ്യുതി ഉൽപാദന യൂനിറ്റ് സ്ഥാപിക്കുമെന്നും മുകേഷ് അംബാനി പറഞ്ഞു.

വികസിത രാഷ്ട്രമാകാനുള്ള ഇന്ത്യയുടെ പ്രവർത്തനങ്ങൾക്ക് അടിത്തറയിടുന്നതാണ് ഈ വർഷത്തെ ബജറ്റ്. ഇന്ത്യ വളർച്ചയുടെ പാതയിലാണ്. വൻ തുക മൂലധനചെലവിനായി നീക്കിവെച്ചിട്ടുണ്ടെന്നും അദ്ദേഹം കൂട്ടിച്ചേർത്തു. പ്രധാനമന്ത്രി നരേന്ദ്ര മോദിയാണ് യു.പിയിലെ നിക്ഷേപക സംഗമം ഉദ്ഘാടനം ചെയ്തത്.

ഫെബ്രുവരി 10 മുതൽ 12ാം തീയതി വരെയാണ് സംഗമം നടക്കുന്നത്.

X
Top