അറ്റ പ്രത്യക്ഷ നികുതി പിരിവില്‍ 20 ശതമാനം വളര്‍ച്ചകേന്ദ്ര തൊഴിൽപദ്ധതി നടപ്പാക്കിയതിൽ തട്ടിപ്പെന്ന് സിഎജിനിതി ആയോഗിന്റെ സുസ്ഥിര വികസന സൂചികയിൽ കേരളം വീണ്ടും നമ്പർ വൺ2028-29 ഓടെ വിഴിഞ്ഞം തുറമുഖം പൂർണതോതിൽ പ്രവർത്തനക്ഷമമാകുമെന്ന് കരൺ അദാനിഭക്ഷ്യ വിലക്കയറ്റം രൂക്ഷമായതോടെ ജൂണിൽ നാണയപ്പെരുപ്പം 5.08 ശതമാനമായി

റിലയൻസ് ക്യാപിറ്റലിന്റെ വിൽപ്പനയ്ക്കുള്ള നിയന്ത്രണം ഉടൻ മാറിയേക്കും

മുംബൈ: അനിൽ അംബാനിയും, റിലയൻസ് ക്യാപിറ്റലും വീണ്ടും വാർത്തകളിൽ നിറയുന്നു. റിലയൻസ് ക്യാപിറ്റലിന്റെ വിൽപ്പനയ്ക്ക് ഇൻഷുറൻസ് റെഗുലേറ്റർ വച്ച അപ്രതീക്ഷിത ചെക്ക് ഉടൻ മാറുമെന്നു സൂചന.

ഇൻഷുറൻസ് റെഗുലേറ്ററി ആൻഡ് ഡെവലപ്മെന്റ് അതോറിറ്റി ഓഫ് ഇന്ത്യ (ഐആർഡിഎഐ) റിലയൻസ് ക്യാപിറ്റലിന്റെ മൂന്ന് ഇൻഷുറൻസ് കമ്പനികളെ ഇൻഡസ്ഇൻഡ് ഇന്റർനാഷണൽ ഹോൾഡിംഗ്‌സ് (ഐഐഎച്ച്എൽ) ഏറ്റെടുക്കുന്നതിന് അംഗീകാരം നൽകുമെന്ന് പ്രതീക്ഷിക്കുന്നു.

ഇതുവഴി അനിൽ അംബാനിയുടെ കടക്കെണിയിലായ റിലയൻസ് ക്യാപിറ്റലിന് മൂന്ന് കമ്പനികൾ നഷ്ടമായേക്കാം.

റിലയൻസ് ക്യാപിറ്റലിനെ ഒരു വലിയ ബാങ്കിംഗ് ഇതര ധനകാര്യ കമ്പനിയായാണ് ഐആർഡിഎഐ കാണുന്നതെന്നു റിപ്പോർട്ടുകളിൽ വ്യക്തമാണ്. കമ്പനി നിലവൽ പാപ്പരത്വ നടപടികളിലൂടെ കടന്നുപോകുന്നു.

റിലയൻസ് ക്യാപിറ്റലിന് രായ്പ നൽകിയവർ, ആവശ്യമായ റെഗുലേറ്ററി അംഗീകാരങ്ങൾ നേടുന്നതിനുള്ള പ്രക്രിയ വേഗത്തിലാക്കാനും, മെയ് 27 ലെ റെസലൂഷൻ പ്ലാൻ സമയപരിധിയിൽ പൂർത്തിയാക്കാനും അടുത്തിടെ ഐഐഎച്ച്എല്ലിനോട് ആവശ്യപ്പെട്ടിരുന്നു.

റെസല്യൂഷൻ പ്ലാൻ പ്രകാരം ഐഐഎച്ച്എൽ വായ്പകാർക്ക് സമയപരിധിക്കു മുമ്പ തുക കൈമാറേണ്ടതുണ്ട്. അനിൽ അംബാനിയുടെ റിലയൻസ് ക്യാപിറ്റലിനെ കുറച്ച് മാസങ്ങൾക്ക് മുമ്പാണ് ഹിന്ദുജ ഗ്രൂപ്പ് 9,650 കോടി രൂപയ്ക്ക് സ്വന്തമാക്കിയത്.

പാപ്പരത്ത നിയമപ്രകാരം റിലയൻസ് ക്യാപിറ്റലിനെ ഏറ്റെടുക്കാനുള്ള തുക കണ്ടെത്താണുള്ള ശ്രമത്തിലാണ് നിലവിൽ ഹിന്ദുജ സഹോദരങ്ങൾ. ഡീലിനായി 8,000 കോടിയുടെ വിദേശ വായ്പയ്ക്കു ശ്രമിക്കുന്നു.

അതേസമയം റിലയൻസ് ക്യാപിറ്റലിലെ ഒരു നിക്ഷേപകൻ എൻസിഎൽടി ഉത്തരവിനെതിരെ ബോംബെ ഹൈക്കോടതിയിൽ റിട്ട് ഹർജി നൽകിയിരിക്കുകയാണ്.

ഫെബ്രുവരി 27-നാണ് റിലയൻസ് ക്യാപിറ്റലിന്റെ റെസല്യൂഷൻ പ്ലാൻ മുംബൈ നാഷണൽ കമ്പനി ലോ ട്രിബ്യൂണൽ (NCLT) അംഗീകരിച്ചത്. ഇടപാട് പൂർത്തിയാക്കാൻ 90 ദിവസത്തെ സമയപരിധിയാണ് അനുവദിച്ചത്. ഇത് ഈ മാസം 27ന് അവസാനിക്കും.

ധാരണ പ്രകാരം റിലയൻസ് വായ്പക്കാർക്ക് 9,650 കോടി രൂപയും മുൻകൂറായി നൽകേണ്ടതുണ്ട്. റെസല്യൂഷൻ പ്ലാൻ നടപ്പിലാക്കുന്നതിലെ മന്ദഗതിയിലുള്ള പുരോഗതിയിൽ വായ്പ നൽകുന്നവർ ആശങ്ക പ്രകടിപ്പിച്ചു കഴിഞ്ഞു.

റിലയൻസ് ക്യാപിറ്റലിന്റെ ഇൻഷുറൻസ് ബിസിനസുകൾ ഐഐഎച്ച്എല്ലിയേ്ക്കു മാറ്റുന്നതിനുള്ള നിർദ്ദിഷ്ട കോർപ്പറേറ്റ് ഘടനയെക്കുറിച്ച് ഐആർഡിഎഐയ്ക്ക് സംശയങ്ങൾ ഏറെയാണ്.

എന്നാൽ കമ്പനി റെഗുലേറ്റർക്ക് ഇതുവരെ വ്യക്തമായ മറുപടി നൽകിയിട്ടില്ല. അംഗീകാരം വൈകാനുള്ള കാരണം ഇതാണ്. എന്നാൽ ഈ വിഷയങ്ങൾ ഉടൻ സമവായത്തിൽ ഏത്തുമെന്നാണു നിലവിൽ അടുത്ത വൃത്തങ്ങൾ നൽകുന്ന സൂചന.

ഇടപാട് പൂർണമാകുന്നതോടെ 3 കമ്പനികളാകും (ബിസിനസ്) അനിൽ അംബാനിയുടെ റിലയൻസ് സാമ്രാജ്യത്തിൽ നിന്നു കൊഴിഞ്ഞുപോകുക.

റിലയൻസ് ജനറൽ, റിലയൻസ് ഹെൽത്ത് എന്നിവയിലെ റിലയൻസ് ക്യാപിറ്റലിന്റെ 100% ഓഹരികളും, റിലയൻസ് നിപ്പോൺ ലൈഫിന്റെ 51% ഓഹരികളും പുനഃക്രമീകരണ പ്രക്രിയയുടെ ഭാഗമായി ഐഐഎച്ച്എല്ലിൽ എത്തുമെന്നാണു വിവരം.

X
Top