കൊച്ചി: ദക്ഷിണേന്ത്യയിലെ പ്രിന്റിങ്, പാക്കേജിങ്, സൈനേജ്, വിഷ്വൽ കമ്മ്യൂണിക്കേഷൻ മേഖലകളിലെ പ്രമുഖ വ്യാപാരമേളകളായ പ്രിന്റ് എക്സ്പോ ചെന്നൈയും മീഡിയ എക്സ്പോ ചെന്നൈയും ജൂലൈ 9 മുതൽ 11 വരെ ചെന്നൈ ട്രേഡ് സെന്ററിൽ നടക്കും. ഇതുവരെയുള്ള ഏറ്റവും വലിയ പതിപ്പായി സംഘടിപ്പിക്കുന്ന മേളയിൽ 200-ലധികം പ്രദർശകരും 400-ലധികം ബ്രാൻഡുകളും 550-ലധികം ഉൽപ്പന്നങ്ങളും സാങ്കേതികവിദ്യകളും പ്രദർശിപ്പിക്കും. 11,000 ചതുരശ്ര മീറ്ററിലധികം വിസ്തൃതിയിൽ ഒരുക്കുന്ന മേള പ്രിന്റിങ്, പരസ്യം, ബ്രാൻഡിങ്, പാക്കേജിങ്, സൈനേജ് മേഖലകളിലെ ഏറ്റവും വലിയ ബിസിനസ് വേദികളിലൊന്നായിരിക്കുമെന്ന് സംഘാടകർ അറിയിച്ചു.
