സംസ്ഥാനത്തിന്റെ ഐടി വികസനത്തിന് കുടുതല് കരുത്തേകാന് ടെക്നോപാര്ക്കില് പുതിയ വേള്ഡ് വേള്ഡ് ട്രേഡ് സെന്റര് ഒരുങ്ങുന്നു. മുഖ്യമന്ത്രി പിണറായി വിജയനാണ് വിവരം ഫേസ്ബുക്ക് കുറിപ്പിലൂടെ പങ്കുവച്ചത്.
ഇതുമായി ബന്ധപ്പെട്ട ധാരണാപത്രത്തിൽ ടെക്നോപാർക്ക് സിഇഒ സിഇഒ കേണല്(റിട്ട) സഞ്ജീവ് നായരും ബ്രിഗേഡ് ഗ്രൂപ്പ് സിഒഒ ഹൃഷികേശ് നായരും ഒപ്പുവച്ചു. പ്രീമിയം ഐ.ടി സ്പേസ്, ബിസിനസ് ക്ളാസ് ഹോട്ടൽ എന്നിവ അടങ്ങുന്നതാണ് വേൾഡ് ട്രേഡ് സെൻറർ.
കൂടുതല് ഗ്രേഡ് എ ഓഫീസുകള് യാഥാര്ത്ഥ്യമാകുന്നതോടെ നിരവധി ഐ ടി കമ്പനികളെയും നിക്ഷേപങ്ങളെയും ആകര്ഷിക്കന് ടെക്നോപാര്ക്കിന് കഴിയും. അന്താരാഷ്ട്ര ഭൂപടത്തില് മികച്ച ഐടി കേന്ദ്രമെന്ന നിലയില് തിരുവനന്തപുരത്തെ അടയാളപ്പെടുത്താനും ഇത് കാരണമാകും.
ബ്രിഗേഡ് എന്റർപ്രൈസസ് ലിമിറ്റഡിന്റെ ബ്രിഗേഡ് സ്ക്വയര് ടെക്നോപാര്ക്ക് ഫേസ്-1ല് പൂര്ത്തിയാവുകയാണ്. പുതിയ വേള്ഡ് ട്രെയ്ഡ് സെന്ററും സജ്ജമാകുന്നതോടെ ലോകോത്തരനിലവാരം ഉറപ്പുതരുന്ന ഐടി ഹബ്ബായി കേരളം അംഗീകരിക്കപ്പെടുമെന്നും മുഖ്യമന്ത്രി പിണറായി വിജയൻ പറഞ്ഞു.
പിണറായി വിജയൻ ഫേസ്ബുക്കിൽ കുറിച്ചത്
സംസ്ഥാനത്തിന്റെ ഐടി വികസനത്തിന് കുടുതല് കരുത്തേകാന് ടെക്നോപാര്ക്കില് പുതിയ വേള്ഡ് ട്രേഡ് സെന്റര് ഒരുങ്ങുന്നു. ഇതുമായി ബന്ധപ്പെട്ട ധാരണാപത്രത്തിൽ ടെക്നോപാർക്ക് സി ഇ ഒ കേണല്(റിട്ട) സഞ്ജീവ് നായരും ബ്രിഗേഡ് ഗ്രൂപ്പ് സി ഒ ഒ ഹൃഷികേശ് നായരും ഒപ്പുവച്ചു. ബ്രിഗേഡ് ഗ്രൂപ്പ് എക്സിക്യൂട്ടീവ് ചെയർമാൻ എം. ആർ. ജയ്ശങ്കർ ചടങ്ങിൽ സന്നിഹിതനായിരുന്നു.
ബിസിനസ് ക്ലാസ് ഹോട്ടല്, പ്രീമിയം ഐടി സ്പെയ്സ് എന്നിവയോടു കൂടിയ പുതിയ സെന്റര് ടെക്നോപാര്ക്കിന്റെ നിലവിലെ അടിസ്ഥാന സൗകര്യ വികസനങ്ങള്ക്ക് കുതിപ്പേകും. കൂടുതല് ഗ്രേഡ് എ ഓഫീസുകള് യാഥാര്ത്ഥ്യമാകുന്നതോടെ നിരവധി ഐ ടി കമ്പനികളെയും നിക്ഷേപങ്ങളെയും ആകര്ഷിക്കന് ടെക്നോപാര്ക്കിന് കഴിയും. അന്താരാഷ്ട്ര ഭൂപടത്തില് മികച്ച ഐടി കേന്ദ്രമെന്ന നിലയില് തിരുവനന്തപുരത്തെ അടയാളപ്പെടുത്താനും ഇത് കാരണമാകും.
ബ്രിഗേഡ് എന്റർപ്രൈസസ് ലിമിറ്റഡിന്റെ ബ്രിഗേഡ് സ്ക്വയര് ടെക്നോപാര്ക്ക് ഫേസ്-1ല് പൂര്ത്തിയാവുകയാണ്. പുതിയ വേള്ഡ് ട്രെയ്ഡ് സെന്ററും സജ്ജമാകുന്നതോടെ ലോകോത്തരനിലവാരം ഉറപ്പുതരുന്ന ഐടി ഹബ്ബായി കേരളം അംഗീകരിക്കപ്പെടും.
