Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

വില വർധിപ്പിക്കാനൊരുങ്ങി കൂടുതൽ കാർ കമ്പനികൾ; പുതിയ വിലകൾ ഏപ്രിൽ മുതൽ

ന്യൂഡൽഹി: കാറുകൾക്ക് വില വർധിപ്പിക്കാനൊരുങ്ങി കൂടുതൽ വാഹന നിർമാതാക്കൾ. ഏപ്രിൽ മുതലാണ് പുതിയ വിലകൾ പ്രാബല്യത്തിൽ വരുക.

വില വർധന ആദ്യം പ്രഖ്യാപിച്ച മാരുതി സുസുക്കി, കിയ, ടാറ്റ മോട്ടോഴ്‌സ് എന്നിവക്ക് പിറകെ ഹോണ്ട, ഹ്യുണ്ടായ്, ബി.എം.ഡബ്ല്യു, റെനോ കമ്പനികളും രംഗത്തെത്തി. എല്ലാ മോഡലുകളുടെയും വില വർധിക്കുമെന്ന് ഹോണ്ട അറിയിച്ചു.

ഏപ്രിൽ മുതൽ വില മൂന്നു ശതമാനം വരെ ഉയർത്തുമെന്ന് ഹ്യുണ്ടായ് മോട്ടോർ ഇന്ത്യ ലിമിറ്റഡും അറിയിച്ചു. ഗ്രാൻഡ് ഐ10 നിയോസ് മുതൽ ഐ.ഒ.എൻ.ഐ.ക്യു5 ഇലക്ട്രിക് എസ്‌.യു.വി വരെയുള്ള മോഡലുകളുടെ വില വർധിക്കും.

അടുത്ത മാസം മുതൽ എല്ലാ മോഡലുകൾക്കും രണ്ട് ശതമാനം വരെ വില വർധിപ്പിക്കുമെന്ന് റെനോ ഇന്ത്യയും പ്രഖ്യാപിച്ചു. 2023 ഫെബ്രുവരിക്കു ശേഷം റെനോയുടെ ആദ്യ വിലവർധനയാണിത്.

ഏപ്രിൽ ഒന്നു മുതൽ ബി.എം.ഡബ്ല്യു, മിനി കാർ ശ്രേണിയിൽ മൂന്നു ശതമാനം വരെ വില വർധിപ്പിക്കും.

X
Top