ഇന്ത്യയിലെ ഏറ്റവും വലിയ ഡിടുസി ബ്രാൻഡായ മെൻസ, ടൈംസ് ഇന്റർനെറ്റ് കമ്പനികളായ മെൻസ്എക്പി, ഐദിവ, ഹൈപ്പ് എന്നിവ സ്വന്തമാക്കി. രാജ്യത്തെ മെൻസ് , വുമൻ, ന്യൂജെൻ ലൈഫ് സ്റ്റൈൽ രംഗത്ത് നിർണായക സ്വാധീനമുള്ള വൻകിട ബ്രാൻഡുകളാണിവ.
ദിവസേന 40 ദശലക്ഷം സന്ദർശകരും വിവിധ സോഷ്യൽ മീഡിയ പ്ലാറ്റ്ഫോമുകളിലായി 250 ദശലക്ഷം പ്രേക്ഷകരുമാണ് ഈ കമ്പനികൾക്കുള്ളത്. കമ്പനികൾ ഏറ്റെടുക്കുന്നതോടെ മെൻസയ്ക്ക് ഡിജിറ്റൽ ബ്രാൻഡ് വിപണിയിൽ ശക്തമായ സ്വാധീനം ചെലുത്താനാകും.
ഏറ്റെടുക്കലിനുശേഷവും മൂന്ന് പ്ലാറ്റ്‌ഫോമുകളും അതത് സെഗ്‌മെൻറുകളിൽ സ്വതന്ത്ര ബ്രാൻഡുകളായി തുടരും.
അടുത്ത തലമുറയിലെ മുൻനിര ഡിജിറ്റൽ ഉപഭോക്തൃ കമ്പനിയായി ഉയരാൻ മെൻസയെ പുതിയ ഏറ്റെടുക്കൽ സഹായിച്ചേക്കും. ഇന്ത്യൻ യുവാക്കൾക്കിടയിലും ബ്രാൻഡിന് വലിയ സ്വാധീനമുണ്ട്. സാങ്കേതികവിദ്യയും കണ്ടന്റും സമന്വയിപ്പിച്ച് ലൈഫ്സ്റ്റൈൽ ബ്രാൻഡുകളുടെ ശക്തമായ ഒരു പോർട്ട്ഫോളിയോ ആണ് മെൻസയിലൂടെ ലക്ഷ്യമിടുന്നതെന്ന് മെൻസ ബ്രാൻഡുകളുടെ സ്ഥാപകനും സിഇഒയുമായ അനന്ത് നാരായണൻ പറഞ്ഞു.
മെൻസ് എക്‌സ്‌പിയുടെയും ഐദിവയുടെയും യുവ ഇന്ത്യൻ പ്രേക്ഷകരെക്കുറിച്ചുള്ള അറിവ്, കരുത്തുറ്റ ഉള്ളടക്കം സൃഷ്‌ടിക്കാനും ലൈഫ്സ്റ്റൈൽ ബ്രാൻഡ് വിപുലീകരിക്കാനുമുള്ള കമ്പനികളുടെ പ്രാപ്തി എന്നിവ ഉപയോഗപ്പെടുത്തി മികച്ച ലൈഫ്സ്റ്റൈൽ ബ്രാൻഡുകൾ കെട്ടിപ്പടുക്കാൻ ആകുമെന്ന് അദ്ദേഹം വ്യക്തമാക്കി.
ടീമിൽ അഭിമാനിക്കുന്നതായും അംഗദ് വിജയകരമായി നയിക്കുന്ന മെൻസ ടീമംഗങ്ങൾക്ക് ആശംസകൾ നേരുന്നതായും അദ്ദേഹം കൂട്ടിച്ചേര്‍ത്തു.
ആധുനിക തലമുറയ്ക്ക് പ്രാധാന്യം നൽകുന്ന ഉള്ളടക്കങ്ങൾ തങ്ങൾ സൃഷ്ടിച്ചിട്ടുണ്ടെന്ന് മെൻസ് എക്സ്പി, ഐദിവ എന്നിവയുടെ സ്ഥാപകനും സിഇഒയുമായ അംഗദ് ഭാട്ടിയ പറഞ്ഞു. യുവാക്കൾക്ക് വിവിധ മാധ്യമങ്ങൾ ഉപയോഗപ്പെടുത്താനുള്ള ഒരു മാർഗമായാണ് ഇന്ത്യ ലൈഫ്സ്റ്റൈൽ നെറ്റ്‌വർക്ക് ആരംഭിച്ചത്.
ഉപഭോക്താക്കൾക്ക് പുതിയ ഉൽപ്പന്നങ്ങൾ കണ്ടെത്തുന്നതിനും ഫാഷൻ, ബ്യൂട്ടി, ആരോഗ്യം എന്നീ മേഖലകളിൽ നിന്ന് നിന്ന് പ്രചോദനം ഉൾക്കൊണ്ട് അനുയോജ്യമായ ലൈഫ്സ്റ്റൈൽ തിരഞ്ഞെടുക്കുകയും ചെയ്യുന്ന പ്ലാറ്റ്‌ഫോമായി ഇത് മാറിക്കൊണ്ടിരിക്കുന്നു.
ഇന്ത്യ ലൈഫ്സ്റ്റൈൽ നെറ്റ്‌വർക്കും മെൻസയും ഒരുമിച്ച് കണ്ടന്റ് കൊമേഴ്‌സിൽ ഇനി ശക്തമായ സാന്നിധ്യമാകും.
