ദുബായ്: ലുലു ഓഹരികൾ അബദാബി സെക്യൂരിറ്റി എക്സ്ചേഞ്ചിൽ ലിസ്റ്റ് ചെയ്തു. എന്നാൽ റെക്കോഡ് സബ്സ്ക്രിപ്ഷനിലൂടെ ശ്രദ്ധ നേടിയ ലുലു ഓഹരികൾ ലിസ്റ്റിംഗിന് ശേഷം ഒരു ഘട്ടത്തിൽ ഇടിഞ്ഞു.
മിഡിൽ ഈസ്റ്റിലെ ഈ വർഷത്തെ ഏറ്റവും ശ്രദ്ധേയമായ ഐപിഒ ആയിരുന്നു ലുലുവിന്റേത്. ലിസ്റ്റിംഗിനിടയിൽ ഷെയറിന് 2.01 ദിർഹമായി ആണ് വില കുറഞ്ഞത്. 1.4 ശതമാനം വരെ വില ഇടിഞ്ഞു. പിന്നീട് ലിസ്റ്റിംഗ് വിലയായ 2.4 ദിർഹമായി വില ഉയർന്നിരുന്നു.
ലുലു ഓഹരികളിൽ നിന്ന് ലിസ്റ്റിംഗ് ദിനം നിക്ഷേപകർ പ്രത്യേകിച്ച് റീട്ടെയ്ൽ നിക്ഷേപകർ മികച്ച നേട്ടം പ്രതീക്ഷിച്ചിരുന്നു. യുഎഇയിലെ ഈ വർഷത്തെ ഏറ്റവും വലിയ ഐപിഒയാണിത്. ഐപിഒ ആരംഭിച്ച് ഒരു മണിക്കൂറിനുള്ളിൽ തന്നെ ഓഹരികളുടെ സബ്സ്ക്രിപ്ഷൻ പൂർണമായിരുന്നു.
എന്നാൽ ഓഹരികളുടെ ഡിമാൻഡ് പരിഗണിച്ച് ഐപിഒ സൈസ് വീണ്ടും ഉയർത്തിയിരുന്നു. 25 ശതമാനത്തിൽ നിന്ന് 30 ശതമാനം വരെയാണ് ഓഹരി വാഗ്ദാനം ചെയ്തു.
സൗദി അറേബ്യയുടെ പബ്ലിക് ഇൻവെസ്റ്റ്‌മെൻ്റ് ഫണ്ടും സിംഗപ്പൂരിലെ ജിഐസി പിടിഇയും ഉൾപ്പെടെയുള്ള വെൽത്ത് ഫണ്ടുകളും ഓഹരികകളിൽ നിക്ഷേപം നടത്തിയിട്ടുണ്ട്. യൂസഫലി 1973-ലാണ് യുഎഇയിലെത്തുന്നത്.
യുഎഇയിൽ എത്തി ഒരു വർഷത്തിനുശേഷം അവിടെ ആദ്യ പലചരക്ക് കട തുറന്നു. അതിനുശേഷം ലുലു എന്ന പേരിൽ മിഡിൽ ഈസ്റ്റിലെ ഏറ്റവും വലിയ ഹൈപ്പർമാർക്കറ്റ് ശൃംഖല സ്ഥാപിക്കുകയായിരുന്നു.
കഴിഞ്ഞ വർഷം ലുലു 19.2കോടി ഡോളർ ലാഭം നേടിയിരുന്നു. ഗൾഫിൽ ഉടനീളം ഇപ്പോൾ ലുലുവിന് സാനിധ്യമുണ്ട് . ഗൾഫിലും മറ്റ് വിദേശ രാജ്യങ്ങളിലുമായി 240 സ്റ്റോറുകളാണുള്ളത്. 50,000-ത്തിലധികം ആളുകൾ ഇവിടെ ജോലി ചെയ്യുന്നു. ഐപിഒക്ക് ശേഷം എംഎ യൂസഫലിയുടെ ആസ്തി ഉയർന്നു.
ലിസ്റ്റിങ് ലക്ഷ്യമിട്ട് വിവിധ കമ്പനികൾ
ഓയിൽ കമ്പനിയായ എൻഎംഡിസി എനർജിയാണ് ലുലവിന് മുമ്പ് ഈ വർഷം യുഎഇയുടെ ഈ വർഷത്തെ ഏറ്റവും വലിയ ഐപിഒ നടത്തിയത്.
വിവിധ സ്ഥാപനങ്ങൾ ഈ വർഷം ഓഹരി വിപണിയിൽ നിന്ന് ഏകദേശം 1000 കോടി ഡോളർ സമാഹരിച്ചിട്ടുണ്ട്.
പ്രാദേശിക സമ്പദ്‌വ്യവസ്ഥ എണ്ണയിൽ നിന്ന് വൈവിധ്യവത്കരിക്കാൻ നോക്കുന്നതിനാൽ, മിഡിൽ ഈസ്റ്റിൽ ഇപ്പോൾ സ്വകാര്യമേഖലയിൽ നിന്ന് നിരവധി കമ്പനികൾ ലിസ്റ്റിംഗിന് ഒരുങ്ങുകയാണ്.
