Alt Image
6.8 ശതമാനം കൈവരിക്കാന്‍ ഇന്ത്യയ്ക്ക് നിർദേശങ്ങളുമായി ഐഎംഎഫ്; ഉല്‍പ്പാദനക്ഷമതാ വളര്‍ച്ച വര്‍ധിപ്പിക്കുകയും സ്വകാര്യ നിക്ഷേപം ശക്തിപ്പെടുത്തുകയും വേണം ◆ റഷ്യയിൽ നിന്നുള്ള ഇന്ത്യയുടെ എണ്ണ ഇറക്കുമതി റെക്കോഡ് നിരക്കിൽ ◆ ചില്ലറ പണപ്പെരുപ്പം രണ്ടു വർഷത്തെ ഉയർന്ന നിരക്കിൽ ◆ ഖത്തറില്‍ നിന്നുള്ള എല്‍എന്‍ജി വിതരണം തടസ്സപ്പെട്ടു; പ്രതിസന്ധി മറികടക്കാൻ പുതു വഴികള്‍ തേടി ഇന്ത്യ ◆ രാജ്യത്തെ നഗരങ്ങളിൽ തൊഴിലില്ലായ്മ കൂടുന്നുവെന്ന് റിപ്പോർട്ട് ◆

കല്യാൺ ജ്വല്ലേഴ്‌സിന് 20 ശതമാനം വരുമാന വളർച്ച

മുംബൈ: ഭൗമരാഷ്ട്രീയ സാഹചര്യം സൃഷ്ടിച്ച വിവിധ സാമ്പത്തിക വെല്ലുവിളികൾക്കിടയിലും 2023 സാമ്പത്തിക വർഷത്തിന്റെ രണ്ടാം പാദത്തിൽ 20 ശതമാനം ഏകീകൃത വരുമാന വളർച്ച രേഖപ്പെടുത്തിയതായി ജ്വല്ലറി റീട്ടെയിലറായ കല്യാൺ ജ്വല്ലേഴ്‌സ് അറിയിച്ചു.

നടപ്പ് സാമ്പത്തിക വർഷത്തിന്റെ ആദ്യ പകുതിയിൽ മുൻ സാമ്പത്തിക വർഷത്തെ ഇതേ കാലയളവിനെ അപേക്ഷിച്ച് 50 ശതമാനം വളർച്ച നേടിയതായും കമ്പനി പ്രസ്താവനയിൽ പറഞ്ഞു. കൂടാതെ അടുത്തിടെ സമാപിച്ച പാദത്തിൽ കമ്പനിയുടെ ഇന്ത്യൻ ബിസിനസ് ശക്തമായ വളർച്ച കൈവരിച്ചതായി കമ്പനി കൂട്ടിച്ചേർത്തു.

സ്ഥാപനത്തിന്റെ പുതുതായി സൃഷ്‌ടിച്ച ഫ്രാഞ്ചൈസി സ്റ്റോർ സംരംഭത്തിനായി ഒരു സ്ട്രാറ്റജിയും എക്‌സിക്യൂഷൻ റോഡ്‌മാപ്പും വികസിപ്പിച്ചിട്ടുണ്ടെന്നും. ആ തന്ത്രത്തിന് അനുസൃതമായി ജൂൺ പാദത്തിൽ കമ്പനിയുടെ ആദ്യത്തെ ഫ്രാഞ്ചൈസ് ഷോറൂം തുറന്നതായും. ഒപ്പം അടുത്തിടെ സമാപിച്ച പാദത്തിൽ ഇതിലേക്ക് രണ്ട് ഫ്രാഞ്ചൈസി ഷോറൂമുകൾ കൂടി കുട്ടിച്ചേർത്തതായും കമ്പനി അറിയിച്ചു.

അതേസമയം, മിഡിൽ ഈസ്റ്റിലെ ഉപഭോക്തൃ വികാരം ഉജ്ജ്വലമായി തുടരുന്നതായി കല്യാൺ ജ്വല്ലേഴ്‌സ് പറഞ്ഞു. അടുത്തിടെ സമാപിച്ച പാദത്തിൽ മിഡിൽ ഈസ്റ്റ് ബിസിനസ്സ് 65 ശതമാനത്തിലധികം വരുമാന വളർച്ച കൈവരിച്ചതായി കമ്പനി അറിയിച്ചു.

കല്യാൺ ജൂവലേഴ്‌സ് ഓൺലൈൻ ജ്വല്ലറി പ്ലാറ്റ്‌ഫോമായ കാൻഡറെ ഈ പാദത്തിൽ അവരുടെ ആദ്യത്തെ ഫിസിക്കൽ ഷോറൂം ആരംഭിച്ചു. മുൻവർഷത്തെ ഇതേ കാലയളവിനെ അപേക്ഷിച്ച് ജൂലൈ-സെപ്റ്റംബർ കാലയളവിൽ 15 ശതമാനത്തിലധികം വരുമാന വളർച്ചയാണ് കാൻഡറെ രേഖപ്പെടുത്തിയത്.

കല്യാൺ ജ്വല്ലേഴ്‌സിന് ഇന്ത്യയിലും മിഡിൽ ഈസ്റ്റിലുമായി മൊത്തം 163 ഷോറൂമുകളാണ് ഉള്ളത്.

X
Top