ഇന്ത്യ, നൈജീരിയ, തായ്‌ലൻഡ് എന്നിവിടങ്ങളിലെ, മധ്യവർഗ വിഭാഗക്കാർ ഡിജിറ്റൽ അസറ്റുകളുമായി ഇടപഴകുന്നതിനാൽ അടിസ്ഥാനപരമായി ക്രിപ്‌റ്റോകറൻസികളുടെ ഉപയോഗം കൂടുന്നതിന് കാരണമാകുന്നുണ്ട്.
ക്രിപ്റ്റോ റിസർച്ച് സ്ഥാപനമായ ചൈനാലിസിസ് അതിന്റെ ഗ്ലോബൽ ക്രിപ്റ്റോ അഡോപ്‌ഷൻ ഇൻഡക്‌സ് റിപ്പോർട്ടിന്റെ നാലാം ഭാഗത്തിലാണ് ഇക്കാര്യം വ്യക്തമാക്കുന്നത്. 154 രാജ്യങ്ങളുൾപ്പെടുന്ന ഈ സൂചികയിൽ ഇന്ത്യ ഒന്നാം സ്ഥാനത്തെത്തി.
ഇന്ത്യക്കാരുടെ ദൈനംദിന സാമ്പത്തിക, നിക്ഷേപ പ്രവർത്തനങ്ങളിൽ ക്രിപ്റ്റോ കറൻസികൾ കാര്യമായ സ്വാധീനം ചെലുത്തുന്നതായി റിപ്പോർട്ട് പറയുന്നു. ഇന്ത്യയ്ക്ക് പിന്നാലെ, നൈജീരിയ, വിയറ്റ്‌നാം, യുഎസ്, ഉക്രെയ്ൻ എന്നീ രാജ്യങ്ങൾ യഥാക്രമം രണ്ടും മൂന്നും നാലും റാങ്കുകൾ നേടിയിട്ടുണ്ട്.
ചൈനാലിസിസ് സൂചികയിൽ, റീട്ടെയിൽ, നോൺ റീട്ടെയിൽ ഡിഫി ഇടപാടുകളിൽ ഭുരിഭാഗവും രേഖപ്പെടുത്തിയിരിക്കുന്നത് ക്രിപ്‌റ്റോയിലായതിനാലാണ് ഇന്ത്യ ഒന്നാം റാങ്ക് നേടിയത്.
എന്നാൽ, പി2പി പണമിടപാടുകളിൽ ഇന്ത്യ അഞ്ചാം സ്ഥാനത്താണ്. ഇതിൽ നൈജീരിയ ആണ് ഒന്നാം റാങ്കിൽ. അതേസമയം, ക്രിപ്റ്റോ അസറ്റുകൾ നിയന്ത്രിക്കുന്നതിന് ഒരു ആഗോള ചട്ടക്കൂട് നടപ്പിലാക്കുന്നതിനുള്ള കാര്യമായ പരിശ്രമത്തിലാണ് ഇന്ത്യ.
കഴിഞ്ഞ ഒരു വർഷമായി ക്രിപ്റ്റോ ഏറ്റെടുക്കലിൽ ഇടിവുണ്ടായിരുന്നെങ്കിലും, വികസ്വര രാജ്യങ്ങളാണ് ക്രിപ്റ്റോ കറൻസിയുടെ വീണ്ടെടുക്കലിന് നേതൃത്വം നൽകിയതെന്ന് റിപ്പോർട്ട് സൂചിപ്പിക്കുന്നു.
പുതിയ കണക്കുകൾ വരുന്നതിന് മുമ്പ്, ക്രിപ്റ്റോ വിപണിയിൽ 2020 ജൂലൈ മുതൽ സെപ്റ്റംബർ വരെ മൂന്ന് മാസത്തിൽ ഏറ്റവും കുറഞ്ഞ ക്രിപ്റ്റോ ഏറ്റെടുക്കൽ നടത്തിയത് വികസ്വര രാജ്യങ്ങളായിരുന്നു.
1,086 ഡോളറിനും 4,255 ഡോളറിനും ഇടയിൽ മൊത്തം ദേശീയ പ്രതിശീർഷ വരുമാനമുള്ള രാജ്യങ്ങളെ വർഗീകരിക്കാനായി ലോകബാങ്ക് അവതരിപ്പിച്ചതാണ് എൽഎംഐ അഥവാ വികസ്വര രാജ്യങ്ങൾ എന്ന പ്രയോഗം.
ലോകമെമ്പാടുമുള്ള ക്രിപ്‌റ്റോയുടെ വളർച്ചയിൽ ഈ രാജ്യങ്ങൾ പ്രധാന പങ്കുവഹിക്കുന്നതായാണ് റിപ്പോർട്ട് പറയുന്നത്. എന്തെന്നാൽ, മികച്ചതും അനുദിനം വളർച്ച കൈവരിക്കുന്നതുമായ വ്യവസായങ്ങളിലൂടേയും ജനങ്ങളിലൂടേയും വികസ്വര സമ്പദ്വ്യവസ്ഥകൾ മുന്നേറിക്കൊണ്ടിരിക്കുകയാണ്.
നിലവിൽ പരിമിതമായാണ് ക്രിപ്റ്റോകറൻസികൾ ഉപയോഗിക്കപ്പെടുന്നുള്ളൂ എങ്കിലും, പണപ്പെരുപ്പത്തിനെതിരായ ഒരു മികച്ച സംരംക്ഷണം നൽകാൻ ചിലപ്പോൾ ക്രിപ്റ്റോകറൻസികൾക്ക് കഴിഞ്ഞേക്കാം.
സാധാരണ കറൻസികൾ എപ്പോൾ വേണമെങ്കിലും മൂല്യത്തകർച്ച നേരിടാം. ഈ പ്രശ്നം ക്രിപ്റ്റോകറൻസികൾക്കില്ല. വെബ്3 ഗെയിമുകൾ (പ്രത്യേകിച്ച് പ്ലേ ടു ഏൺ മോഡൽ ഗെയിമുകൾ) എന്നിവയിലൂടെ വികേന്ദ്രീകൃതമായി പ്രവർത്തിക്കുന്ന ക്രിപ്റ്റോകറൻസികൾക്ക് സംരംക്ഷണം നൽകുകയാണ് വികസ്വര രാജ്യങ്ങൾ.
ഇന്ത്യ ആതിഥേയത്വം വഹിച്ച അടുത്തിട നടന്ന ജി20 ഉച്ചകോടിയുടെ പ്രധാന അജണ്ടകളിൽ ഒന്നായിരുന്നു ക്രിപ്‌റ്റോകറൻസികളെ നിയന്ത്രിക്കുന്നതിന് ആഗോള ചട്ടക്കൂട് സൃഷ്‌ടിക്കുക എന്നത്.
ക്രിപ്റ്റോ അഡോപ്‌ഷനിൽ ഒന്നാം സ്ഥാനത്തെത്തിയ ഇന്ത്യയിൽ ക്രിപ്റ്റോ ആസ്തികൾ ഉപയോഗിക്കുന്ന ആശങ്കൾ മാറ്റുന്നതിന് കള്ളപ്പണം വെളുപ്പിക്കൽ നിയത്തിന് കീഴിലാണ് നിലവിൽ ക്രിപ്റ്റോ കറൻസികൾ. ഇത്തരമൊരു ചട്ടക്കൂട് ക്രിപ്റ്റോ വിപണയിയെ കൂടുതൽ സുസ്ഥിരവും, സുരക്ഷിതവുമാക്കും.
മികച്ച ഉപഭോക്തൃ സേവനം പ്രോത്സാഹിപ്പിക്കുകയും ചെയ്യും.
