വേദാന്ത ലിമിറ്റഡിന്റെ ദീർഘകാല ബാങ്ക് സൗകര്യങ്ങൾക്കും ഡെബ്റ്റ് ഇൻസ്ട്രുമെന്റുകൾക്കുമുള്ള റേറ്റിംഗ് താഴ്ത്തിയതായി ഇന്ത്യ റേറ്റിംഗ്സ് ആൻഡ് റിസർച്ച്.
റേറ്റിംഗുകൾ ‘IND AAൽ നിന്ന് ‘IND AA-‘ ആയി തരം താഴ്ത്തിയതായിയാണ് റിപ്പോർട്ട്. ഇന്ത്യ റേറ്റിംഗ്സ് ആൻഡ് റിസർച്ച് ഈ റേറ്റിംഗുകൾ റേറ്റിംഗ് വാച്ചിൽ നെഗറ്റീവ് പ്രത്യാഘാതങ്ങളോടെ സ്ഥാപിച്ചു.
അതേസമയം കമ്പനിയുടെ ഹ്രസ്വകാല ഡെബ്റ്റ് ഇൻസ്ട്രുമെന്റിന്റെ റേറ്റിംഗുകൾ IND A1+ ൽ വീണ്ടും സ്ഥിരീകരിക്കുകയും ഈ റേറ്റിംഗുകൾ നെഗറ്റീവ് പ്രത്യാഘാതങ്ങളുള്ള റേറ്റിംഗ് വാച്ചിൽ സ്ഥാപിക്കുകയും ചെയ്തു.
വേദാന്ത റിസോഴ്സസ് ലിമിറ്റഡിന്റെ അനുബന്ധ സ്ഥാപനമായ വേദാന്ത ലോകത്തിലെ പ്രമുഖ പ്രകൃതിവിഭവ കമ്പനികളിലൊന്നാണ്.
