Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

ജനറല്‍ ഇന്‍ഷുറന്‍സ്‌ കമ്പനികള്‍ മികച്ച വളര്‍ച്ച കൈവരിച്ചേക്കും

ജനറല്‍ ഇന്‍ഷുറന്‍സ്‌ കമ്പനികള്‍ക്ക്‌ നഷ്‌ടം കുറയ്‌ക്കാനും വളര്‍ച്ച കൈവരിക്കാനും സാധിക്കുമെന്ന്‌ റേറ്റിംഗ്‌ ഏജന്‍സിയായ കെയര്‍ പറയുന്നു.

കോവിഡിനു ശേഷം ഇന്‍ഷുറന്‍സ്‌ തുക നല്‍കുന്നതിലുണ്ടായ കുറവും ഗ്രൂപ്പ്‌ ഇന്‍ഷുറന്‍സ്‌ പ്രീമിയത്തിലെ വര്‍ധനയും ജനറല്‍ ഇന്‍ഷുറന്‍സ്‌ കമ്പനികളുടെ സാമ്പത്തിക നില മെച്ചപ്പെടുന്നതിന്‌ വഴിയൊരുക്കും.

ജനറല്‍ ഇന്‍ഷുറന്‍സ്‌ കമ്പനികളുടെ നേരിട്ടുള്ള മൊത്തം പ്രീമിയം മധ്യകാലാടിസ്ഥാനത്തില്‍ 12 ശതമാനം മുതല്‍ 15 ശതമാനം വരെ വളര്‍ച്ച കൈവരിച്ചേക്കും. സ്വകാര്യ ജനറല്‍ ഇന്‍ഷുറന്‍സ്‌ കമ്പനികളായിരിക്കും പൊതുമേഖലാ ജനറല്‍ ഇന്‍ഷുറന്‍സ്‌ കമ്പനികളേക്കാള്‍ മികച്ച വളര്‍ച്ച കൈവരിക്കുന്നത്‌.

കോവിഡ്‌ കാലയളവില്‍ ജനറല്‍ ഇന്‍ഷുറന്‍സ്‌ കമ്പനികളുടെ ഇന്‍ഷുറന്‍സ്‌ തുക വിതരണം ഗണ്യമായി വര്‍ധിച്ചിരുന്നു. ആശുപത്രികളിലേക്ക്‌ കോവിഡ്‌ രോഗികള്‍ പ്രവഹിച്ചത്‌ ജനറല്‍ ഇന്‍ഷുറന്‍സ്‌ കമ്പനികളെ പ്രതികൂലമായി ബാധിച്ചു. എന്നാല്‍ ഇപ്പോള്‍ ഇന്‍ഷുറന്‍സ്‌ തുക നല്‍കുന്നതില്‍ കുറവുണ്ടായിട്ടുണ്ട്‌.

റിസര്‍വ്‌ ബാങ്ക്‌ പലിശനിരക്ക്‌ കൂട്ടുന്നത്‌ ജനറല്‍ ഇന്‍ഷുറന്‍സ്‌ കമ്പനികളുടെ സ്ഥിരവരുമാന മാര്‍ഗങ്ങളിലെ നിക്ഷേപത്തില്‍ നിന്നുള്ള നേട്ടം വര്‍ധിപ്പിക്കും.

സ്വകാര്യ ജനറല്‍ ഇന്‍ഷുറന്‍സ്‌ കമ്പനികള്‍ കുറെ കൂടി മികച്ച വളര്‍ച്ച കൈവരിക്കുമെന്നാണ്‌ കെയര്‍ റേറ്റിംഗ്‌സിന്റെ നിഗമനം.

X
Top