കൊച്ചി: റൂഫ്ടോപ്പ് സോളാർ എനർജി കമ്പനിയായ ഫ്രെയർ എനർജി തങ്ങളുടെ ക്രിസ്മസ് ആഘോഷങ്ങളുടെ ഭാഗമായി, ആദ്യമായി സോളാറിലേക്ക് മാറുന്നവർക്ക് ഇൻസ്റ്റലേഷനോടൊപ്പം ഒരു ഗ്രാം സ്വർണം സമ്മാനമായി പ്രഖ്യാപിച്ചു. 2026 ജനുവരി 1 വരെയാണ് കേരളത്തിലുടനീളം ഓഫർ ലഭ്യമാവുക. കേരളത്തിലെ കൂടുതൽ ഭവനങ്ങളെ ശുദ്ധവും സുസ്ഥിരവുമായ ഊർജ പരിഹാരങ്ങൾ സ്വീകരിക്കാൻ പ്രോത്സാഹിപ്പിക്കുന്നതിനോടൊപ്പം ഉറപ്പായ സ്വർണ പാരിതോഷികത്തിലൂടെ ഉത്സവ ആഹ്ലാദം പകരുക എന്നതാണ് ഈ സംരംഭത്തിൻ്റെ ലക്ഷ്യം. സംസ്ഥാനത്തിന്റെ ഉയർന്ന വൈദ്യുതി നിരക്കുകൾ, സൗരോർജത്തിലേക്കുള്ള പരിവർത്തനം ത്വരിതപ്പെടുത്തുന്നതിനുള്ള അതിന്റെ ചായ്വും വിശാലമായ സാധ്യതകളും പരിഗണിച്ച് കൊണ്ടുള്ള, കേരളത്തെ കേന്ദ്രീകരിച്ചുള്ള പ്രത്യേക ഓഫറാണെന്ന് ഫ്രെയർ എനർജി സഹ സ്ഥാപകയും ഡയറക്ടറുമായ രാധിക ചൗധരി പറഞ്ഞു.
