ന്യൂഡൽഹി: പുതിയ വിദേശ വാണിജ്യ നയം ഉടനില്ല. നിലവിലുള്ള നയം 6 മാസത്തേക്ക് കൂടി തുടരാൻ കേന്ദ്ര വാണിജ്യ മന്ത്രാലയം തീരുമാനിച്ചു. രാജ്യാന്തര രംഗത്തെ അനിശ്ചിതത്വം കണക്കിലെടുത്താണ് തീരുമാനം.
നിലവിലെ നയം 30ന് അവസാനിക്കാനിരിക്കെ പുതിയ നയം ഉടൻ പ്രഖ്യാപിക്കേണ്ടതായിരുന്നു. എന്നാൽ പുതിയ നയം ഉടൻ നടപ്പാക്കരുതെന്ന് പല കോണുകളിൽ നിന്നും ആവശ്യം ഉയർന്ന പശ്ചാത്തലത്തിലാണ് തീരുമാനമെന്ന് വാണിജ്യ മന്ത്രാലയം അഡീഷനൽ സെക്രട്ടറി അമിത് യാദവ് പറഞ്ഞു.
കോവിഡ് പ്രതിസന്ധി പരിഗണിച്ച് നിലവിലെ നയത്തിന്റെ കാലാവധി പലതവണ നീട്ടിയിരുന്നു.
